ନୂଆଦିଲ୍ଲୀ: ଦିନିକିଆ ବିଶ୍ୱକପ କ୍ରିକେଟରେ ଆଫଗାନିସ୍ତାନ ଟିମ ନିଜ ନାମ ସ୍ୱର୍ଣ୍ଣିମ ଅକ୍ଷରରେ ଲିପିବଦ୍ଧ କରିଛି । ଏଠାରେ ଅନୁଷ୍ଠିତ ଇଂଲଣ୍ଡ ବିପକ୍ଷ ମୁକାବିଲାକୁ ୬୯ ରନରେ ଜିତି ଆଫଗାନିସ୍ତାନ ଟିମ ବିଶ୍ୱକପରେ ୨ୟ ବିଜୟ ହାସଲ କରିଛି । ପ୍ରଥମେ ବ୍ୟାଟିଂ କରି ଆଫଗାନିସ୍ତାନ ଟିମ ୨୮୪ ରନ କରି ଅଲଆଉଟ ହୋଇ ଯାଇଥିଲା । ରହେମାନଉଲ୍ଲା ଗୁରବାଜ ୮୦ ଓ ଇକ୍ରାମ ଆଲିଖିଲ ୫୮ ରନ କରିଥିଲେ । ଇଂଲଣ୍ଡ ପକ୍ଷରୁ ଅଡିଲ ରଶିଦ ୩ଟି ୱିକେଟ ନେଇଥିଲେ । ୨୮୫ ରନର ଲକ୍ଷ୍ୟକୁ ପିଛା କରି ବିଶ୍ୱ ଚାମ୍ପିୟନ ଇଂଲଣ୍ଡ ନିୟମିତ ବ୍ୟବଧାନରେ ୱିକେଟମାନ ହରାଇବାରେ ଲାଗିଥିଲା । ଏହାର ସମସ୍ତ ଶ୍ରେୟ ଆଫଗାନିସ୍ତାନ ବୋଲରଙ୍କୁ ଯିବ । ସମସ୍ତ ବୋଲର ଭଲ ପ୍ରଦର୍ଶନ କରିଥିଲେ ।
୪୦.୩ ଓଭରରେ ଇଂଲଣ୍ଡ ୨୧୫ ରନ କରି ଅଲଆଉଟ ହୋଇ ଯାଇଥିଲା । ଡାୱିଡ ମାଲାନ ୩୨ ଓ ହ୍ୟାରୀ ବ୍ରୁକ୍ସ ୬୬ ରନର ଇନିଂସ ଖେଳିଥିଲେ ମଧ୍ୟ ଦଳର ବିଜୟ ପାଇଁ ଯଥେଷ୍ଟ ହୋଇ ନ ଥିଲା । ମୁଜୀବ ଉର ରହେମାନ ଓ ରଶିଦ ଖାଁ ୩ଟି ଲେଖାଁଏ ୱିକେଟ ନେଇଥିଲେ । ମହମ୍ମଦ ନବୀ ୨ଟି ୱିକେଟ ନେଇଥିଲେ । ଇଂଲଣ୍ଡ ଏହି ପରାଜୟକୁ ଏବଂ ଆଫଗାନିସ୍ତାନ ଏହି ବିଜୟ ସହଜରେ ଭୁଲିବେ ନାହିଁ ।
Comments are closed.