ମୁମ୍ବାଇ: ଲକ୍ଷ୍ମୀ ଫିଲ୍ମ ଆଶାନୁରୂପ ସଫଳତା ପାଇପାରୁ ନ ଥିବାରୁ ଏବେ ଓଟିଟି ପ୍ଲାଟଫର୍ମ ସତର୍କ ହୋଇ ପଡିଛନ୍ତି । ଅକ୍ଷୟ କୁମାରଙ୍କ ଲକ୍ଷ୍ମୀ ଦୀପାବଳି ଦିନ ଭଲ ବ୍ୟବସାୟ କରିଥିଲେ ମଧ୍ୟ ଏହା ପରେ ଆଉ ଦର୍ଶକ ଜୁଟାଇ ପାରି ନ ଥିଲା । ଡିଜନୀ ପ୍ଲସ ହଟଷ୍ଟାର ପ୍ରଥମ ସପ୍ତାହରେ ଯେତିକି ପାଇବ ବୋଲି ଆଶା କରିଥିଲା ତାର ଅଧା ମଧ୍ୟ ରିକଭର କରିପାରି ନାହିଁ । ଓଟିଟିର ଜ୍ୟାଂଟ ପ୍ଲାଟଫର୍ମକୁଡିକ ଏଥର ଆଗକୁ ଫିଲ୍ମ କିଣିବା ପୂର୍ବରୁ ଭଲ ଭାବରେ ଏହାକୁ ଦେଖିବେ । ହିରୋ, ହିରୋଇନ ଓ ନିର୍ଦ୍ଦେଶକ ବଳରେ ମନଇଚ୍ଛା ଫିଲ୍ମ ନ କିଣିବା ପାଇଁ ଚିନ୍ତା କରୁଛନ୍ତି ।
ଭୂଜ ଦି ପ୍ରାଇଡ ଅଫ ଇଣ୍ଡିଆ ଓ କୁଲୀ ନଂ ୧ ଫିଲ୍ମ ଦେଖିବା ପରେ ସେମାନେ ଏହାର ଚୁକ୍ତି ନେଇ ବିଚାର କରିବେ । ଭୂଜ ଦି ପ୍ରାଇଡ ଅଫ ଇଣ୍ଡିଆ ଡିଜନୀ ପ୍ଲସ ହଟଷ୍ଟାର ଓ କୁଲୀ ନଂ ୧ ଆମାଜାନ ପ୍ରାଇମରେ ରିଲିଜ ହେବାରେ ଅଛି । ଲକ୍ଷ୍ମୀ ଫିଲ୍ମ ଆମ ଆଖି ଖୋଲି ଦେଇଛି । ଏଥର ଅନ୍ଧ ଭଳି ଫିଲ୍ମ କିଣାଯିବ ନାହିଁ ଜଣେ ଅଧିକାରୀ ନାମ ପ୍ରକାଶ ନ କରି କହିଛନ୍ତି ।
Comments are closed.