ବେଙ୍ଗାଲୁରୁ: ପ୍ରଥମ ଘରୋଇ ମହାକାଶ ପରୀକ୍ଷଣ କଲା ‘ଅଗ୍ନିକୂଳ କସମସ୍’। ଭାରତୀୟ ମହାକାଶ ମିଶନ ପାଇଁ ଗୁରୁବାର ଐତିହାସିକ ଦିନ ପାଲଟିଛି। ଚେନ୍ନାଇ ଭିତ୍ତିକ ସ୍ପେସ୍ ଷ୍ଟାର୍ଟ ଅପ୍ ଅଗ୍ନିକୂଳ କସମସ୍ ଶ୍ରୀହରିକୋଟା ଠାରେ ଏହାର ଲଞ୍ଚ ପ୍ୟାଡରୁ ସ୍ବଦେଶୀ ଜ୍ଞାନକୌଶଳରେ ନିର୍ମିତ ରକେଟ୍ ଅଗ୍ନିବାଣର ସଫଳ ଉତକ୍ଷେପଣ ହୋଇଛି । ଭାରତରେ ପ୍ରଥମ ଥର ପାଇଁ ଘରୋଇ ମହାକାଶ ସଂସ୍ଥା ଦ୍ବାରା ଅଗ୍ନିବାଣର ସଫଳ ଉତକ୍ଷେପଣ ହୋଇଛି ।
ଏହାପୂର୍ବରୁ ରକେଟ ଉତକ୍ଷେପଣ ପାଇଁ ୪ ଥର ପ୍ରୟାସ କରାଯାଇଥିଲେ ବି ବୈଷୟିକ ତ୍ରୁଟିକୁ ନେଇ ସ୍ଥଗିତ ରଖାଯାଇଥିଲା । ତେବେ ପଞ୍ଚମ ଥର ଉତକ୍ଷେପଣ ସଫଳ ହୋଇଥିବା ସଂପୃକ୍ତ ସ୍ପେସ୍ ଷ୍ଟାର୍ଟଅପ କମ୍ପାନୀ ଅଗ୍ନିକୂଳ କସମସ ପକ୍ଷରୁ ସୂଚନା ଦିଆଯାଇଛି । ଏନେଇ ଇସ୍ରୋ ପକ୍ଷରୁ ସୋସିଆଲ ମିଡିଆ ଏକ୍ସରେ ସୂଚନା ଦିଆଯାଇଛି । ଏହି ରକେଟରେ ସେମି କ୍ରାୟୋଜେନିକ ଲିକୁଇଡ୍ ଇଂଜିନ ବ୍ୟବହାର ହୋଇଛି । ଏହି ସମୟରେ, ଇସ୍ରୋ ଆଗ୍ନିକୂଳ କସମସ୍କୁ ଶୁଭେଚ୍ଛା ଜଣାଇଛି।
ଦେଶରେ ପ୍ରଥମ ଥର ପାଇଁ ସଫଳ ମହାକାଶ ପରୀକ୍ଷଣ କରିଛି ସ୍ବଦେଶୀ ଘରୋଇ ମହାକାଶ ଗବେଷଣା ସଂସ୍ଥା ଅଗ୍ନିକୂଳ କସମସ୍ । ଆଜି ସକାଳ ୭ଟା ୧୫ ମିନିଟରେ ଅଗ୍ନିବାଣ ରକେଟକୁ ସଫଳତାର ସହ ଉତକ୍ଷେପଣ କରାଯାଇଛି । ଭାରତୀୟ ଜାତୀୟ ମହାକାଶ ପ୍ରୋତ୍ସାହନ ଏବଂ ପ୍ରାଧିକରଣ କେନ୍ଦ୍ର (IN-SPACe) ର ଅଧ୍ୟକ୍ଷ ପୱନ ଗୋଏଙ୍କା ଟ୍ୱିଟରରେ ସେୟାର କରି କହିଛନ୍ତି, “ଆଗ୍ନିକୂଳ କସମସ୍ ଦ୍ୱାରା ଅଗ୍ନିବାଣ SOrTeD ର ସଫଳ ଉନ୍ମୋଚନରେ ମୁଁ ବହୁତ ଖୁସି। ଭାରତର ମହାକାଶ କ୍ଷେତ୍ର ପାଇଁ ଏହା ଏକ ଐତିହାସିକ ମୁହୂର୍ତ୍ତ। ଏହି ସଫଳତା ଆମର ଯୁବ ଉଦ୍ଭାବକଙ୍କ ପ୍ରତିଭାକୁ ପ୍ରତିଫଳିତ କରେ। ମାର୍ଚ୍ଚ ୨୨ ତାରିଖରୁ, ଆଗ୍ନିକୂଳ ଦ୍ୱାରା ଅଗ୍ନିବାନଣ ସବ୍-ଅର୍ବିଟାଲ୍ ଟେକ୍ନୋଲୋଜି ପ୍ରଦର୍ଶକ (SORTED) ଲଞ୍ଚ କରିବା ପାଇଁ ଏହା ହେଉଛି ପଞ୍ଚମ ପ୍ରୟାସ, ଯେଉଁଥିରେ ଏହା ସଫଳ ହୋଇଥିଲା।”
କମ୍ପାନୀ କହିଛି ଯେ ଅଗ୍ନିବାଣ SOrTeD(Suborbital Tech Demonstrator) ଏକ ସେମି-କ୍ରାୟୋଜୋନିକ ଇଞ୍ଜିନ ଦ୍ବାରା ପରିଚାଳିତ । ଯାହା ବ୍ୟାବସାୟିକ ଭାବରେ ଉପଲବ୍ଧ ଟର୍ବାଇନ ଇନ୍ଧନ କିମ୍ବା ମେଡିକାଲ ଗ୍ରେଡ୍ ତରଳ ଅମ୍ଳଜାନ ବ୍ୟବହାର କରିଥାଏ । ଏହା ପ୍ରାୟ ୭୦୦ କିଲୋମିଟର କକ୍ଷପଥରେ ୩୦୦ କିଲୋଗ୍ରାମ ପର୍ଯ୍ୟନ୍ତ ଏକ ଭାର ଧାରଣ କରିପାରିବ। ଏହି ରକେଟ୍ ତରଳ ଏବଂ ଗ୍ୟାସ୍ ପ୍ରୋପେଲାଣ୍ଟର ମିଶ୍ରଣ ସହିତ ଏକ ସେମି-କ୍ରାୟୋଜେନିକ୍ ଇଞ୍ଜିନ୍ ବ୍ୟବହାର କରେ। ଏହା ହେଉଛି ଏକ ଟେକ୍ନୋଲୋଜି ଯାହା ଇସ୍ରୋ ଏପର୍ଯ୍ୟନ୍ତ ଏହାର କୌଣସି ରକେଟରେ ବ୍ୟବହାର କରିନାହିଁ। ଏହି ଇଞ୍ଜିନ୍ ପରୀକ୍ଷା ଅଗ୍ନିକୁଳର ନିଜସ୍ୱ ଡାଟା ଅଧିଗ୍ରହଣ ପ୍ରଣାଳୀ ଏବଂ ଫ୍ଲାଇଟ୍ କମ୍ପ୍ୟୁଟର ଦ୍ୱାରା ପରିଚାଳିତ । ଏହା ଉଭୟ ନିମ୍ନ ଏବଂ ଉଚ୍ଚ କକ୍ଷପଥରେ ପହଞ୍ଚିପାରେ । ୧୦ରୁ ଅଧିକ ଲଞ୍ଚ ପୋର୍ଟରେ ପହଞ୍ଚିବା ପାଇଁ ଏହାର ଡିଜାଇନ୍ କରାଯାଇଛି ।
ଅଗ୍ନିକୁଳ କସମସର ସଫଳତା ନେଇ କେନ୍ଦ୍ରମନ୍ତ୍ରୀ ରାଜୀବ ଚନ୍ଦ୍ରଶେଖର ଶୁଭେଚ୍ଛା ଜଣାଇଛନ୍ତି । ଆଜି ଉତକ୍ଷେପଣ ହୋଇଥିବା ରକେଟର ଓଜନ ୫୭୫ କେଜି ଓ ଏହା ୬.୨ ମିଟର ଲମ୍ବ । ଶ୍ରୀହରିକୋଟାରରୁ ଉତକ୍ଷେଣ ପରେ ଏହାକୁ ବଙ୍ଗୋପସାଗରରେ ପକାଯାଇଥିଲା । ଏହି ଘରୋଇ ମହାକାଶ ଗବେଷଣ ସଂସ୍ଥାର ସଫଳତା ପରେ ବିଶ୍ବ ମହାକାଶ ଅର୍ଥନୀତିରେ ଭାରତ ସ୍ବତନ୍ତ୍ର ସ୍ଥାନ ଅଧିକାର କରିଛି । ତେବେ ବର୍ତ୍ତମାନ ସୁଦ୍ଧା ଭାରତୀୟ ମହାକାଶ ଗବେଷଣା ସଂସ୍ଥା ଇସ୍ରୋ ସେମି-କ୍ରାୟୋଜେନିକ୍ ଇଞ୍ଜିନ୍ରେ ଉତକ୍ଷେପଣ କରିନାହିଁ । ୨୦୨୩ ମସିହାରେ ଚନ୍ଦ୍ରଯାନ-୩ ଚନ୍ଦ୍ରର ଦକ୍ଷିଣ ମେରୁରେ ସଫଳତାର ସହ ସଫ୍ଟଲ୍ୟାଣ୍ଡିଂ କରିଥିଲା । ଏହି ଉପଲବ୍ଧିକୁ ନେଇ ସାରା ବିଶ୍ବରେ ପ୍ରଶଂସାଭାଜନ ହୋଇଥିଲା । ଏହାପରେ ଭାରତର ପ୍ରଥମ ସୌର ମିଶନ ଆଦିତ୍ୟ ଏଲ-୧ ମଧ୍ୟ ସଫଳ ହୋଇଥିଲା ।
Comments are closed.