ଦୁବାଇ: ଟଲିଉଡ ଅଭିନେତା ଅଜିତ କୁମାରଙ୍କ କାର ଦୁବାଇରେ ଦୁର୍ଘଟଣାଗ୍ରସ୍ତ ହୋଇଛି । ଏହି ଦୁର୍ଘଟଣା ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଅଜିତ ତାଙ୍କ ରେସିଂ କାରରେ ଅଭ୍ୟାସ କରୁଥିବା ବେଳେ ଏହି ଦୁର୍ଘଟଣା ଘଟିଥିଲା । ସେ ୨୪ଏଚ ଦୁବାଇ ୨୦୨୫ କାର ରେସିଂ କମ୍ପିଟେଶନରେ ଅଂଶଗ୍ରହଣ କରୁଛନ୍ତି । ଏହି ଦୁର୍ଘଟଣାରେ ତାଙ୍କ କାର କ୍ଷତିଗ୍ରସ୍ତ ହୋଇଥିଲେ ମଧ୍ୟ ଅଭିନେତାଙ୍କ କିଛି ହୋଇନି । ଦୁର୍ଘଟଣା ହେବା ପରେ ଟ୍ରାକରେ କାର କିଛି ସମୟ ଘୁରି ବୁଲୁଥିବା ଦେଖିବାକୁ ମିଳିଥିଲା ।
ତାଙ୍କ ଟିମ ପକ୍ଷରୁ ମଧ୍ୟ ସ୍ୱାସ୍ଥ୍ୟାବସ୍ଥା ସମ୍ପର୍କରେ କୌଣସି ଖବର ଶେୟାର କରାଯାଇ ନାହିଁ । ଅଜିତ ଏକ ରେସିଂ ଟିମର ମାଲିକ ମଧ୍ୟ ଅଛନ୍ତି । ସେ ନିଜ ସାଥୀ ମାଥ୍ୟୁ ଡେଟ୍ରି, ଫ୍ୟାବିୟାନ ଡଫିକ୍ସ ଓ କ୍ୟାମେରନ ମ୍ୟାକଲୟେଡଙ୍କ ସହ ପୋର୍ଶ ୯୯୨ କ୍ଲାସରେ ଅଂଶଗ୍ରହଣ କରିବେ । ଅଜିତ ତାଙ୍କ ଆକ୍ସନ ଅଭିନୟ ନେଇ ପ୍ରଶଂସକଙ୍କ ମହଲରେ ବେଶ ପରିଚିତ ।