୨୦୨୫ ପ୍ରଥମ ସପ୍ତାହରେ ଓଟିଟିରେ ରିଲିଜ୍ ହେବାକୁ ଯାଉଛି ଏହି ଫିଲ୍ମ ଏବଂ ଓ୍ବେବ ସିରିଜ୍

ମୁମ୍ବାଇ: ନୂତନ ବର୍ଷ ଜବରଦସ୍ତ ମନୋରଞ୍ଜନ ସହ ଆରମ୍ଭ ହେବାକୁ ଯାଉଛି । କାରଣ ୨୦୨୪ ଶେଷ ପର୍ଯ୍ୟନ୍ତ ରିଲିଜ ହୋଇଥିବା ଭଲ ଭଲ ଚଳଚ୍ଚିତ୍ର ଓଟିଟିରେ ମୁକ୍ତିଲାଭ କରିବାକୁ ଯାଉଛି । ଭାରତୀୟ ଚଳଚ୍ଚିତ୍ର ଠାରୁ ଆରମ୍ଭ କରି ଅନ୍ତର୍ଜାତୀୟ ଥ୍ରୀଲର ଚଳଚ୍ଚିତ୍ର ଏବଂ ୱେବ୍ ସିରିଜ୍ ପର୍ଯ୍ୟନ୍ତ ସବୁକିଛି ୨୦୨୫ ର ପ୍ରଥମ ସପ୍ତାହରେ ଓଟିଟିରେ ରିଲିଜ୍ ହେବାକୁ ଯାଉଛି । ଏହି ଚଳଚ୍ଚିତ୍ର ଏବଂ ଓ୍ବେବ ସିରିଜ୍ ଦର୍ଶକଙ୍କୁ ଏକ ରୋମାଞ୍ଚକର ଜର୍ଣ୍ଣିଂକୁ ନେଇଯିବ । ଯଦି ଆପଣ ୨୦୨୫ ଆରମ୍ଭରେ ଏହି ଚଳଚ୍ଚିତ୍ର କିମ୍ବା ସିରିଜ୍ ଦେଖିବାକୁ ଚାହୁଁଛନ୍ତି, ତେବେ ଏହି ସପ୍ତାହର ଓଟିଟି ରିଲିଜ୍ ତାଲିକା ଏଠାରେ ଅଛି ।

ଅଲ ଓ୍ବି ଇମୋଜିନ୍ ଏଜ ଲାଇଟ୍
ପାୟଲ କପାଡିଆଙ୍କ ସମୀକ୍ଷକଙ୍କ ଦ୍ବାରା ପ୍ରଶଂସିତ ଫିଲ୍ମ ‘ଅଲ ଓ୍ବି ଇମୋଜିନ୍ ଏଜ ଲାଇଟ୍’ ଏକ ନର୍ସ ପ୍ରଭାସ ଏବଂ ତାଙ୍କର ଫ୍ଲାଟମେଟ୍ ଅନୁ ଙ୍କ ଉପରେ କେନ୍ଦ୍ରିତ ହୋଇଛି । ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଦିବ୍ୟା ପ୍ରଭା, କାନି କୁସୁରୁତି, ହ୍ରୁଦୁ ହାରୋନ୍, ଛାୟା କଦମ୍ ଏବଂ ଟିଣ୍ଟୁମୋଲ୍ ଜୋସେଫ୍ ଅଭିନୟ କରିଛନ୍ତି । ଜାନୁଆରୀ ୩, ୨୦୨୫ ରେ ଡିଜ୍ନି ପ୍ଲସ୍ ହଟଷ୍ଟାରରେ ଆସିବ ।

ଗୁନାହ ସିଜିନ ୨
ପାୱାର୍ ପ୍ୟାକ୍ ମନୋରଞ୍ଜନ ଶୋ ‘ଗୁନାହ’ ଅନ୍ୟ ଏକ ସିଜିନ ସହିତ ପୁଣି ପରଦାକୁ ଫେରିଛି । ହିନ୍ଦୀ ଧାରାବାହିକରେ ଗଶ୍ମିର ମହାଜନୀ, ସୁରବି ଜ୍ୟୋତି, ଦର୍ଶନ ପାଣ୍ଡ୍ୟା ଏବଂ ଶଶାଙ୍କ କେତକର ପ୍ରମୁଖ ଭୂମିକାରେ ଅଭିନୟ କରିଛନ୍ତି । ଗୁନହା ସିଜନ ୨ ଜାନୁଆରୀ ୩, ୨୦୨୫ ରେ ଡିଜ୍ନି ପ୍ଲସ୍ ହଟଷ୍ଟାରରେ ମୁକ୍ତିଲାଭ କରିବ ।

ଏବିସି – ମେଁ ଟିମ୍ ହୁଁ
‘ଏବିସି – ମେଁ ଟିମ୍ ହୁଁ’ ଡକ୍ୟୁମେଣ୍ଟାରୀ ଏକ ଲାଜକୁଳି ଏବଂ ଭୟଭୀତ ଝିଅ ଟିମ୍ ବର୍ଗଲିଙ୍ଗଙ୍କ କାହାଣୀ ଉପରେ ଆଧାରିତ ଅଟେ । ଯେଉଁଥିରେ ହଠାତ୍ ଦୁନିଆର ଅନ୍ୟତମ ପ୍ରିୟ କଳାକାର ଏବିସିଙ୍କୁ ଜନ୍ମ ଦେଇଥିଲେ । ଏହି ଡକ୍ୟୁମେଣ୍ଟାରୀରେ ଏବିସି, ଏଲୋ ବ୍ଲାକ୍, କ୍ରିସ୍ ମାର୍ଟିନ୍, ନାଇଲ୍ ରୋଡର୍ସ, ଡେଭିଡ ଗୁଏଟା ଏବଂ ଏଶା ପୌର୍ନରୀ ଭଳି କଳାକାର ଅଛନ୍ତି । ଡିସେମ୍ବର ୩୧, ୨୦୨୪ ଅର୍ଥାତ୍ ଆଜି ରାତିରେ ନେଟଫ୍ଲିକ୍ସରେ ମୁକ୍ତିଲାଭ କରିବ ।

ରିୟୁନିୟନ
ଆମେରିକୀୟ କମେଡି-ମିଷ୍ଚ୍ରୀ ଚଳଚ୍ଚିତ୍ର ‘ରିୟୁନିୟନ’ ହାଇସ୍କୁଲ ର ସାଙ୍ଗମାନଙ୍କ କାହାଣୀକୁ ନେଇ ହୋଇଛି । ଏହି ଚଳଚ୍ଚିତ୍ରରେ ନିନା ଡୋବ୍ରେଭ, ଜେମି ଚୁଙ୍ଗ, ଚେସ କ୍ରାଉଫର୍ଡ, ବିଲି ମେଗ୍ନସେନ୍ ଏବଂ ସିୟୋଭାନ୍ ମର୍ଫି ପ୍ରମୁଖ ଭୂମିକାରେ ଅଭିନୟ କରିଛନ୍ତି । ଜାନୁଆରୀ ୧, ୨୦୨୫ରେ ନେଟଫ୍ଲିକ୍ସରେ ରିଲିଜ ହେବ ।

‘ମିସିଙ୍ଗ୍ ୟୁ’
ସିରିଜ୍ ‘ମିସିଙ୍ଗ୍ ୟୁ’ ଏକ ଡିଟେକଟିଭ୍ ଇନ୍ସପେକ୍ଟରଙ୍କ ଚାରିପାଖରେ ଘୁରି ବୁଲୁଛି, ଯିଏ ନିଖୋଜ ବ୍ୟକ୍ତିଙ୍କ ମାମଲାରେ ବିଶେଷଜ୍ଞ । ତାଙ୍କ ଜୀବନ ଓଲଟପାଲଟ ହୋଇଯାଏ ଯେତେବେଳେ ସେ ଜାଣିବାକୁ ପାଇଲେ ଯେ ୧୧ ବର୍ଷ ପୂର୍ବେ ନିଖୋଜ ହୋଇଯାଇଥିବା ତାଙ୍କ ପ୍ରେମିକା ଏକ ଡେଟିଂ ଆପରେ ସକ୍ରିୟ ଅଛନ୍ତି । ଏହି ଶୋ’ରେ ରୋଜାଲିଣ୍ଡ ଏଲିଜାର୍, ରିଚାର୍ଡ ଆର୍ମିଟେଜ୍, ଜେମ୍ସ ନେସବିଟ୍ ଏବଂ ଏସଲେ ୱାଲ୍ଟର୍ସ ଅଭିନୟ କରିଛନ୍ତି । ‘ମିସିଙ୍ଗ୍ ୟୁ’ ଜାନୁଆରୀ ୧, ୨୦୨୫ରେରେ ନେଟଫ୍ଲିକ୍ସରେ ଷ୍ଟ୍ରିମ୍ କରିବ ।