‘୧୯ ବର୍ଷ ପରେ ପୁଣି ଦେଖା ହେଲା’

ମୁମ୍ବାଇ: ୧୯ ବର୍ଷ ପରେ ପୁଣି ଏକାଠି ହେଲେ ‘ଆର୍ଯ୍ୟ’ ଯୋଡ଼ି !
ଫିଲ୍ମଫେୟାର ଆୱାର୍ଡସରେ ଅଲ୍ଲୁ ଅର୍ଜୁନ ଓ କାଜଲଙ୍କ ଧମାକା
ପୁଷ୍ପା-୨ ପାଇଁ ‘ବେଷ୍ଟ ଆକ୍ଟର’ ଆୱାର୍ଡ ଜିତିଲେ ଅଲ୍ଲୁ
ଦକ୍ଷିଣ ଭାରତୀୟ ସିନେମାର ଦୁଇ ବଡ଼ ତାରକା, ଆଇକନ୍ ଷ୍ଟାର୍ ଅଲ୍ଲୁ ଅର୍ଜୁନ ଏବଂ କାଜଲ୍ ଅଗ୍ରୱାଲ୍ । ପ୍ରାୟ ୧୯ ବର୍ଷ ପରେ ଏହି ଦୁଇ ଜଣଙ୍କୁ ଏକାଠି ଦେଖିବାକୁ ମିଳିଛି । ୭୦ତମ ଫିଲ୍ମଫେୟାର ଆୱାର୍ଡସ୍ ସାଉଥ୍ ମଞ୍ଚରେ ଏମାନଙ୍କ ମିଳନ ଏବେ ସୋସିଆଲ ମିଡିଆରେ ନିଆଁ ଲଗାଇ ଦେଇଛି ।
ଯେତେବେଳେ ଅଲ୍ଲୁ ଅର୍ଜୁନ ଓ କାଜଲ୍ ଅଗ୍ରୱାଲ୍ ଫିଲ୍ମଫେୟାରର ରେଡ୍ କାର୍ପେଟରେ ଏକାଠି ନଜର ଆସିଲେ, ସେତେବେଳେ ପ୍ରଶଂସକଙ୍କ ମନକୁ ଫେରିଆସିଲା ‘ଆର୍ଯ୍ୟ’ ଏବଂ ‘ଆର୍ଯ୍ୟ-୨’ ସିନେମାର ପୁରୁଣା ସ୍ମୃତି। ନିଜ କ୍ୟାରିୟରର ପ୍ରାରମ୍ଭିକ ଦିନରେ ଏହି ଦୁଇ କଳାକାରଙ୍କ କେମିଷ୍ଟ୍ରି ପରଦାରେ ଯେଉଁ ଯାଦୁ କରିଥିଲା, ଆଜି ମଧ୍ୟ ତାହା ଦର୍ଶକଙ୍କ ମନରେ ସତେଜ ହୋଇ ରହିଛି।

ଅଲ୍ଲୁ ଅର୍ଜୁନ ନିଜ ଇନଷ୍ଟାଗ୍ରାମ ଷ୍ଟୋରୀରେ କାଜଲଙ୍କ ସହ ଏକ ସୁନ୍ଦର ସେଲଫି ସେୟାର କରିଛନ୍ତି। ଯେଉଁଥିରେ ସେ ଲେଖିଛନ୍ତି— “୧୯ ବର୍ଷ ପରେ ପୁଣି ଦେଖା ହେଲା”। ଏହି ଫଟୋଟି ପୋଷ୍ଟ ହେବାର ମାତ୍ର କିଛି ମିନିଟ୍ ମଧ୍ୟରେ ଇଣ୍ଟରନେଟରେ ଭାଇରାଲ୍ ହେବାକୁ ଲାଗିଛି।
କେବଳ ସେତିକି ନୁହେଁ, ଏହି ସନ୍ଧ୍ୟା ଅଲ୍ଲୁ ଅର୍ଜୁନଙ୍କ ପାଇଁ ଆହୁରି ସ୍ମରଣୀୟ ହୋଇଯାଇଛି। ବ୍ଲକବଷ୍ଟର ଫିଲ୍ମ ‘ପୁଷ୍ପା ୨: ଦ ରୁଲ୍’ ପାଇଁ ତାଙ୍କୁ ତେଲୁଗୁ ସିନେମାରେ ‘ଶ୍ରେଷ୍ଠ ଅଭିନେତା’ ଭାବେ ସମ୍ମାନଜନକ ଫିଲ୍ମଫେୟାର ଆୱାର୍ଡ ପ୍ରଦାନ କରାଯାଇଛି।

ଆୱାର୍ଡ ପାଇବା ପରେ ଅଲ୍ଲୁ ଅର୍ଜୁନ ନିଜ ପ୍ରଶଂସକଙ୍କୁ ଧନ୍ୟବାଦ ଜଣାଇ କହିଛନ୍ତି— “ଯେଉଁଠି ଏତେ ଭଲପାଇବା ମିଳେ, ସେଠି ଏହି ସଫଳତା ଅଧିକ ଖାସ୍ ହୋଇଯାଏ।”
ନିଶ୍ଚିତ ଭାବେ, ଏହି ମିଳନ ଫ୍ୟାନ୍ସମାନଙ୍କ ପାଇଁ ଏକ ବଡ଼ ଉପହାର ଥିଲା। କିଏ ଜାଣେ, ହୁଏତ ଆଗକୁ ଏହି ସୁପରହିଟ୍ ଯୋଡ଼ି ପୁଣି ଥରେ ବଡ଼ ପରଦାରେ ଏକାଠି ନଜର ଆସିପାରନ୍ତି !
ବ୍ୟୁରୋ ରିପୋର୍ଟ, ଓଡ଼ିଶା ସମ୍ବାଦ