ମୁମ୍ବାଇ: ଭାରତୀୟ ସିନେମା ଇତିହାସରେ ପୁଷ୍ପା-୨ ଏବେ ନୂଆ ରେକର୍ଡ ସୃଷ୍ଟି କରିଛି । ୧୨ ଦିନରେ ସାରା ଭାରତରେ ୯୦୦ କୋଟି ପାର୍ କରିଥିବା ବେଳେ ବିଶ୍ବରେ ଖୁବ୍ ଶିଘ୍ର ୧୫୦୦ କୋଟି ଛୁଇଁବାକୁ ଯାଉଛି । ଗତ ୧୨ ଦିନରେ ଏହା ବିଶ୍ବବ୍ୟାପୀ ୧୪୦୦ କୋଟି ରୋଜଗାର କରିସାରିଲାଣି । ତେବେ ଗତକାଲି ଫିଲ୍ମ ଟିକେ ଧିମେଇଥିଲା ବେଳେ ତଥାପି ୩୦ କୋଟିର କଲେକ୍ସନ କରିଛି ।
ଗତ ୫ ତାରିଖରେ ଶୁକ୍ରବାର ସିନେମାରେ ରିଲିଜ୍ ହୋଇଥିବା ଫିଲ୍ମ ପୁଷ୍ପା ୨ ଏବେ ଆଉ ଏକ ନୂଆ ରେକର୍ଡ ସୃଷ୍ଟି କରିଛି । ରିଲିଜର ଦ୍ବିତୀୟ ସପ୍ତାହରେ ମଧ୍ୟ ଏହା ପ୍ରେକ୍ଷାଳୟରେ ଚମତ୍କାର ପ୍ରଦର୍ଶନର ମଜା ନେଉଛି । ୧୨ ଦିନରେ ଦେଶବ୍ୟାପୀ ୯୨୯ କୋଟିରୁ ଅଧିକ ରୋଜଗାର କରି ଏବେ ଏହା ସର୍ବକାଳୀନ ତୃତୀୟ ସର୍ବାଧିକ ଆୟକାରୀ ଭାରତୀୟ ସିନେମା ବନିଛି । ଯାହା ସ୍ତ୍ରୀ-୨, ଗଦର-୨, ଆନିମଲ ଭଳି ସିନେମାକୁ ପଛରେ ପକାଇଛି ।
ତେବେ ରିଲିଜର ୧୨ ଦିନରେ ପୁଷ୍ପା-୨ ୯୨୯.୯୫ କୋଟି କମାଇଛି । ଏଥିମଧ୍ୟରୁ ହିନ୍ଦୀ ଭାଷାରେ ୫୭୩.୧ କୋଟି ଏବଂ ତେଲୁଗୁ ଭାଷାରେ ୨୮୭.୦୭ କୋଟି କଲେକ୍ସନ କରିଛି ।