ଜମ୍ମୁ କଶ୍ମୀର: କରୋନା ଟାଣିଲା ଲକ୍ଷ୍ମଣରେଖା । ଏବର୍ଷ ହେବନି ଅମରନାଥ ଯାତ୍ରା । ଭକ୍ତ ଓ ଭଗବାନଙ୍କ ମଧ୍ୟରେ କଣ୍ଟା ସାଜିଲା କରୋନା । ମହାମାରୀ ପାଇଁ ଚଳିତବର୍ଷ ଅମରନାଥ ଯାତ୍ରାକୁ ରଦ୍ଦ କରାଯାଇଛି । ଏନେଇ ସୂଚନା ଦେଇଛି ଅମରନାଥ ଶ୍ରାଇନ୍ ବୋର୍ଡ । ଜମ୍ମୁ କଶ୍ମୀର ଉପରାଜ୍ୟପାଳ ଗିରୀଶ ମୁର୍ମୁଙ୍କ ଅଧ୍ୟକ୍ଷତାରେ ବସିଥିଲା ଅମରନାଥ ଶ୍ରାଇନ୍ ବୋର୍ଡ ବୈଠକ ।
ପୂର୍ବରୁ ଜୁନ୍ ୨୩ ଓ ପରେ ଜୁଲାଇ ୨୧ ତାରିଖରୁ ଅମରନାଥ ଯାତ୍ରା ଆରମ୍ଭ ହେବ ବୋଲି କୁହାଯାଇଥିଲା । କିନ୍ତୁ କରୋନା କଟକଣା ଯୋଗୁ ଏଯାଏଁ ଆରମ୍ଭ ହୋଇ ପାରି ନଥିଲା ।
ଅମରନାଥ ଯାତ୍ରାକୁ ନେଇ ସୁପ୍ରିମକୋର୍ଟରେ ଦାୟର ହୋଇଥିଲା ମାମଲା । ନିଷ୍ପତ୍ତି ସ୍ଥାନୀୟ ପ୍ରଶାସନ ହାତରେ ଛାଡ଼ିଥିଲ ସର୍ବୋଚ୍ଚ ଅଦାଲତ । ଏହପରେ ପ୍ରଶାସନ କରୋନା ସଂକ୍ରମଣ ବୃଦ୍ଧି ଆଶଙ୍କା ଓ ଜନସ୍ୱାର୍ଥକୁ ଦୃଷ୍ଟିରେ ରଖି ତଳିତବର୍ଷ ଅମରନାଥ ଯାତ୍ରାକୁ ବାତିଲ କରିଛି ।
Comments are closed.