କୋଲକାତା: ପଶ୍ଚିମବଙ୍ଗରେ ଏବେ ନିର୍ବାଚନୀ ତାତି । ଏପଟେ କରୋନା କାୟା ବି ବଢୁଛି । ଏଭଳି ସ୍ଥିତିରେ କୋଲକାତାରେ ଆଉ ପ୍ରଚାର ଅଭିଯାନ କରିବେ ନାହିଁ ତୃଣମୂଳ କଂଗ୍ରେସ ସୁପ୍ରିମୋ ତଥା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ଏନେଇ ଟିଏମସି ନେତା ଡେରେକ୍ ଓ’ବ୍ରାଏନ୍ ସୂଚନା ଦେଇଛନ୍ତି । କରୋନା ସଂକ୍ରମଣ ବଢୁଥିବା ବେଳେ ଏଭଳି ନିଷ୍ପତ୍ତି ନେଇଛି ଟିଏମସି । ଆସନ୍ତା ୨୬ ତାରିଖରେ ପ୍ରଚାରର ଶେଷ ଦିନରେ ମମତା କୋଲକାତାରେ କେବଳ ଏକ ପ୍ରତୀକାତ୍ମକ ସଭା କରିବେ ।
Mamata Banerjee will NOT campaign in Kolkata anymore. Only one ‘symbolic’ meeting on the last day of campaigning in the city on April 26.
Slashes time for all her election rallies in all districts. Restricted to just 30 minutes. #BengalElection2021 #Covid— Derek O’Brien | ডেরেক ও’ব্রায়েন (@derekobrienmp) April 18, 2021
ଏହାସହ ରାଜ୍ୟର ସମସ୍ତ ଜିଲ୍ଲାରେ ମମତା ବାନାର୍ଜୀ କରୁଥିବା ନିର୍ବାଚନ ରାଲିଗୁଡ଼ିକ ଆଉ ୩୦ ମିନିଟ୍ରୁ ଅଧିକ ହେବ ନାହିଁ । କରୋନା ସଂକ୍ରମଣ ଓ ଲୋକଙ୍କ ସ୍ୱାର୍ଥରକ୍ଷା ଦୃଷ୍ଟିରୁ ଦଳ ଏହି ନିଷ୍ପତ୍ତି ନେଇଛି । ଏହାପୂର୍ବରୁ ଗତକାଲି କଂଗ୍ରେସ ନେତା ରାହୁଲ ଗାନ୍ଧି ପଶ୍ଚିମବଙ୍ଗରେ ହେବାକୁ ଥିବା ପ୍ରଚାର ଓ ରାଲିକୁ ରଦ୍ଦ କରିଥିଲେ । ଏଦିଗରେ ଚିନ୍ତା କରିବା ପାଇଁ ଅନ୍ୟ ରାଜନୈତିକ ଦଳଗୁଡ଼ିକୁ ପରାମର୍ଶ ଦେଇଥିଲେ ରାହୁଲ ।