ଆଫଗାନିସ୍ତାନ ପୂର୍ବତନ ଉପରାଷ୍ଟ୍ରପତି ଅମ୍ରୁଲ୍ଲା ସାଲେହଙ୍କ ଭାଇଙ୍କୁ ନିର୍ମମ ଭାବେ ହତ୍ୟା କଲା ତାଲିବାନ

କାବୁଲ: ତାଲିବାନ କେବଳ ରକ୍ତର ଭାଷା ଜାଣିଛି, ତାହା ଆଜି ପୁନର୍ବାର ପ୍ରମାଣିତ ହୋଇଛି । ଆଫଗାନିସ୍ତାନର ପୂର୍ବ ଉପରାଷ୍ଟ୍ରପତି ଅମ୍ରୁଲ୍ଲା ସାଲେହଙ୍କ ଭାଇ ରୋହୁଲ୍ଲା ସାଲେହଙ୍କୁ ଆଜି ପଂଜଶୀର ଘାଟିରେ ନିର୍ମମ ଭାବେ ହତ୍ୟା କରିଛି । ତାଲିବାନୀମାନେ ପ୍ରଥମେ ତାଙ୍କୁ ଚାବୁକ ଓ ବିଜୁଳି ତାରରେ ପିଟିଲେ ଏହା ପରେ ବେକ କାଟି ଦେଇଥିଲେ । ସେ ଛଟପଟ ହେଉଥିବା ବେଳେ ତାଙ୍କୁ ଗୁଳି କରି ହତ୍ୟା କରିଥିଲେ ।

ରିପୋର୍ଟ ମୁତାବକ ସେ ପଂଜଶୀରରୁ କାବୁଲ ଯିବା ପାଇଁ ଉଦ୍ୟମ କରୁଥିଲେ ଏହା ଜାଣିବା ପରେ ତାଲିବାନୀମାନେ ଏହି ନାରକୀୟ କାଣ୍ଡ ଘଟାଇଥିଲେ । ଏହା ମଧ୍ୟରେ ତାଲିବାନମାନେ ଏକ ସ୍ଥାନରେ ଭିଡିଓ ଜାରୀ କରିଛନ୍ତି । ଯେଉଁ ସ୍ଥାନରେ ଅମ୍ରୁଲ୍ଲା ସାଲେହ ଭିଡିଓ ବାର୍ତା ଦେଇଥିଲେ ।