ମୁମ୍ବାଇ: ମୋର ପୋଷାକର ଦାମ୍ ଦେଖି ସଲମାନ ଖାନ୍ ଆଶ୍ଚର୍ଯ୍ୟ ହେବା ସହ ମୁଣ୍ଡରେ ହାତ ଦେଇଥିଲେ । କହିଥିଲେ କିଏ ଏତେ ଟଙ୍କା ନିଜ ଡ଼୍ରେସ ପାଇଁ ଖର୍ଚ୍ଚ କରନ୍ତି । ମୁଁ ମୋର ପୁରା କ୍ୟାରିୟରରେ ପୋଷାକ ପାଇଁ ଏତେ ଖର୍ଚ୍ଚ କରି ନାହିଁ ପୋଲି ସଲମାନ କହିଥିଲେ । ଏହା କହିଛନ୍ତି ବଲିଉଡ଼ ଅଭିନେତା ଅନିଲ କପୁର ।
ଛୋଟପରଦାର ସବୁଠୁ ଲୋକପ୍ରିୟ କମେଡ଼ି ଶୋ’ ହେଉଛି କପିଲ ଶର୍ମା ଶୋ’ । ଏହି ଶୋ’ ଖୁବ୍ ଶୀଘ୍ର ବନ୍ଦ ହେବାକୁ ଯାଉଥିବା ଜଣାଯାଇଛି । ଏବେ ଶୋ’ର ଶେଷ ଏପିସୋଡର ପ୍ରୋମୋ ସାମ୍ନାକୁ ଆସିଛି । ଭିଡିଓରେ ୱେବ ସିରିଜ୍ ‘ଦି ନାଇଟ୍ ମ୍ୟାନେଜର’ର ଷ୍ଟାରକାଷ୍ଟ ‘ଦି କପିଲ ଶର୍ମା ଶୋ’ର ଫାଇନାଲ୍ ଏପିସୋଡକୁ ଆସିଥିବା ଦେଖିବାକୁ ମିଳିଛି । ଏହି ପ୍ରମୋ ଭିଡିଓରେ ଅନିଲ କପୁର କିଛି ଏଭଳି କହିଛନ୍ତି, ଯାହାକୁ ନେଇ ଚର୍ଚ୍ଚା ଆରମ୍ଭ ହୋଇଛି ।
ଅନିଲ କପୁରଙ୍କ ପୋଷାକର ଦାମ ଦେଖି ସଲମାନ କିଭଳି ପ୍ରତିକ୍ରିୟା ଦେଇଥିଲେ ତାହା ଜଣାଇଛନ୍ତି ଅନିଲ । ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, କପିଲ ଶର୍ମା ‘ଦି ନାଇଟ୍ ମ୍ୟାନେଜର’ରେ ଥିବା ଅନିଲଙ୍କ ପୋଷାକ ଓ ଲୁକକୁ ପ୍ରଶଂସା କରୁଛନ୍ତି । ଏହା ପରେ ଅନିଲ କପୁର ଏକ ପୁରୁଣା ଘଟଣା ସେୟାର କରୁଛନ୍ତି । ସେ କହୁଛନ୍ତି ଯେ, ‘ମୁଁ ସଲମାନ ଖାନଙ୍କ ସହ ଏକ ଫିଲ୍ମରେ କାମ କରିଥିଲି । ସେତେବେଳେ ମୋର ପୋଷାକର ବିଲ୍ ସଲମାନ ଦେଖି ଦେଇଥିଲେ । ଦାମ ଅଧିକ ଥିବା ଦେଖି ସଲମାନ କହିଥିଲେ, ପୋଷାକରେ କିଏ ଏତେ ଟଙ୍କା ଖର୍ଚ୍ଚ କରେ? ମୁଁ ମୋର ପୁରା କ୍ୟାରିୟରରେ ପୋଷାକ ପାଇଁ ଏତେ ଖର୍ଚ୍ଚ କରି ନାହିଁ । ଏହା ଶୁଣି ମୁଁ କହିଥିଲି, ଆରେ ତୁମେ ବହୁତ ହ୍ୟାଣ୍ଡସମ୍ ଅଛ । ଜିନ୍ସ ଏବଂ ଟି-ସାର୍ଟ ତୁମକୁ ଭଲ ମାନୁଛି । କିନ୍ତୁ ମୋତେ ସୁନ୍ଦର ଦେଖାଯିବା ପାଇଁ ଦାମୀ ପୋଷାକ ପିନ୍ଧିବା ଜରୁରୀ ବୋଲି କହିଥିଲି ।
Comments are closed.