ମୁମ୍ବାଇ: ସୁଟିଂ ସମୟରେ ବଲିଉଡର ସୁପରଷ୍ଟାର ଅଭିନେତା ଅନୁପମ ଖେର ଆହତ ହୋଇଛନ୍ତି । ଅନୁପମ ଫିଲ୍ମ ବିଜୟ ୬୯ ସୁଟିଂ କରୁଥିବା ବେଳେ ଆହତ ହୋଇଛନ୍ତି । ତାଙ୍କ କାନ୍ଧରେ ଗଭୀର ଆଘାତ ଲାଗିଛି । ସେଥିଲାଗି ସେ କିଛି ଦିନ ଛୁଟି ନେଇ ଘରେ ବିଶ୍ରାମ ନେଉଛନ୍ତି । ଅନୁପମ ନିଜେ ଏକ ଫଟୋ ସୋସିଆଲ ମିଡ଼ିଆରେ ସେୟାର ଏହା କହିଛନ୍ତି ।
ଫଟୋରେ ଅନୁପମ ଏକ ସ୍ଲିଙ୍ଗ ପିନ୍ଧିଥିବାର ନଜର ଆସିଛନ୍ତି । ହାତରେ ଏକ ବଲ ଧରି କ୍ୟାମେରା ଆଗରେ ପୋଜ୍ ଦେଉଛନ୍ତି । ଏହି ସମୟରେ ସେ ହସୁଥିବା ନଜର ଆସିଛନ୍ତି । ତେବେ କ୍ୟାପସନରେ ଅନୁପମ ଲେଖିଛନ୍ତିି ଯେ କାନ୍ଧରେ ଆଘାତ ଲାଗିଥିବାରୁ ସେ ବହୁତ ଯନ୍ତ୍ରଣା ଭୋଗୁଛନ୍ତି । ତୁମେ ଯଦି ସ୍ପୋର୍ଟସ ଫିଲ୍ମ କର ଏବଂ ଆଘାତ ପାଇବ ନାହିଁ !! ଏହା କିପରି ସମ୍ଭବ? ରବିବାର ‘ବିଜୟ ୬୯’ର ସୁଟିଂ ସମୟରେ ତାଙ୍କ କାନ୍ଧରେ ଗଭୀର ଆଘାତ ଲାଗିଥିଲା । ସେ ଏବେ ବିଶ୍ରାମ ନେଉଛନ୍ତି । ଦୁଇ ଦିନ ପରେ ପୁଣି ସୁଟିଂ ଜାରି ରଖିବେ । ଏହି ଫଟୋ ଦେଖିବା ପରେ ତାଙ୍କର ଅନେକ ପ୍ରଶଂସକ ଶୀଘ୍ର ଆରୋଗ୍ୟ କାମନା କରୁଛନ୍ତି ।
Comments are closed.