ଆର୍ଟ ଅଫ୍ ଲିଭିଙ୍ଗ୍ ଇଣ୍ଡିଆ ମେଡିଟେଟ୍ସ ଅଭିଯାନ ଆରମ୍ଭ, ସଂସ୍କୃତି ମନ୍ତ୍ରଣାଳୟ ପକ୍ଷରୁ ମିଳିଲା ସମର୍ଥନ

ନୂଆଦିଲ୍ଲୀ: ଭାରତ ସରକାରଙ୍କ ସହଯୋଗରେ ଆର୍ଟ ଅଫ୍ ଲିଭିଙ୍ଗର ‘ଇଣ୍ଡିଆ ମେଡିଟେଟ୍ସ’ ଅଭିଯାନ ଆରମ୍ଭ ହୋଇଛି। ଦିନକୁ ଦିନ ଏହି ଅଭିଯାନର କ୍ରେଜ୍ ବଢିଚାଲିଛି। ବର୍ତ୍ତମାନ ପର୍ଯ୍ୟନ୍ତ ୩.୫ ଲକ୍ଷରୁ ଅଧିକ ଭାରତୀୟ ଏଥିରେ ଯୋଗଦେବା ପାଇଁ ଅନଲାଇନରେ ପଞ୍ଜୀକୃତ କରିଛନ୍ତି। ଏହି ଅଭିଯାନକୁ ଭାରତ ସରକାର ସଂସ୍କୃତି ମନ୍ତ୍ରଣାଳୟ ପକ୍ଷରୁ ସମର୍ଥନ ମିଳିଛି। ସଂସ୍କୃତି ମନ୍ତ୍ରଣାଳୟର ‘ହର୍ ଘର୍ ଧ୍ୟାନ୍’ କାର୍ଯ୍ୟକ୍ରମର ଏକ ଅଂଶ ଭାବରେ ଧ୍ୟାନ ଏବଂ ଆତ୍ମ-ସଚେତନତା ମାଧ୍ୟମରେ ସମସ୍ତ ବୟସର ଲୋକଙ୍କୁ ସଶକ୍ତ କରିବା ପାଇଁ ଆର୍ଟ ଅଫ୍ ଲିଭିଙ୍ଗ ପକ୍ଷରୁ ଅଭିଯାନ ଆରମ୍ଭ ହୋଇଛି। ଜୁଲାଇ ୨୪ ରୁ ୩୧ ତାରିଖ ମଧ୍ୟରେ ‘ଇଣ୍ଡିଆ ମେଡିଟେଟ୍ସ’ ଅଭିଯାନ ଆରମ୍ଭ ହୋଇଛି ଏବଂ ଏହା ସ୍ୱାଧୀନତା ଦିବସ ଅଗଷ୍ଟ ୧୫ ରେ ସମାପ୍ତ ହେବ।

ଇଣ୍ଡିଆ ମେଡିଟେଟ୍ସ ଦିନକୁ ଆଠ ଥର ମାଗଣା ଅନଲାଇନ୍ ଧ୍ୟାନ ଅଧିବେଶନ କରିବ। ସକାଳ ୦୬:୦୦ ଟା , ୦୭:୦୦ ଟା ଏବଂ ୦ ୮:୦୦ ଟା ଏପରି ତିନୋଟି ପର୍ଯ୍ୟାୟରେ ହେବାକୁ ଥିବା ବେଳେ ଦ୍ବିପହର ୦୨:୦୦ ଟା, ୦୩:୦୦ ଟା ସନ୍ଧ୍ୟା ୦୬:୦୦ ଟା , ୦୭:୦୦ ଟା ଏବଂ୦ ୮:୦୦ ଟାରେ ଏହି ଲାଇଭ୍ ଅନ୍ଲାଇନ୍ ଅଧିବେଶନଗୁଡିକ ଆର୍ଟ ଅଫ୍ ଲିଭିଙ୍ଗର ବିଶେଷଜ୍ଞମାନଙ୍କ ଦ୍ୱାରା ପରିଚାଳିତ ହେବ। ଏଥିପାଇଁ indiamededitates.org ରେ ପଞ୍ଜିକରଣ କରିବାକୁ ପଡିବ। ଏହା ପରେ ଅଂଶଗ୍ରହଣକାରୀମାନେ ଏକ ହ୍ୱାଟସ୍ ଆପ୍ ଗ୍ରୁପ୍ ସହିତ ଯୋଡି ହେବେ ଏବଂ ଅଧିବେଶନ ପାଇଁ ଲାଇଭ୍ ଲିଙ୍କ୍ ପାଇବେ। ସେମାନଙ୍କୁ ସଂସ୍କୃତି ମନ୍ତ୍ରଣାଳୟ, ଭାରତ ସରକାର ଏବଂ ଆର୍ଟ ଅଫ୍ ଲିଭିଂ ଦ୍ୱାରା ସ୍ୱୀକୃତିପ୍ରାପ୍ତ ଇ-ସାର୍ଟିଫିକେଟ୍ ମଧ୍ୟ ଦିଆଯିବ।

ସ୍ୱାଧୀନତାର ୭୫ ବର୍ଷକୁ ସ୍ମରଣ କରି ଆଜାଦି କା ଅମୃତ ମହୋତ୍ସବ ଅବସରରେ ସଂସ୍କୃତି ମନ୍ତ୍ରଣାଳୟ ଆର୍ଟ ଅଫ୍ ଲିଭିଙ୍ଗ ସହ ସହଭାଗୀ ହୋଇ ଭାରତର ଲୋକଙ୍କୁ ଧ୍ୟାନରେ ଶିକ୍ଷା ଏବଂ ସଶକ୍ତିକରଣ କରିଛି। ୨୦,୦୦୦ ଲୋକଙ୍କ ମଧ୍ୟରେ କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ବାସୱାରାଜ ବମ୍ମାଇଙ୍କ ଉପସ୍ଥିତିରେ ଆଧ୍ୟାତ୍ମିକ ଗୁରୁ ଶ୍ରୀ ଶ୍ରୀ ରବି ଶଙ୍କରଙ୍କ ଦ୍ୱାରା ବେଙ୍ଗାଲୁରୁର ଆନ୍ତର୍ଜାତୀୟ ହେଡଅଫିସର ଆର୍ଟ ଅଫ୍ ଲିଭିଙ୍ଗରେ ୨୬ ଅକ୍ଟୋବର ୨୦୨୨ ରେ ଏହି ପ୍ରକଳ୍ପ ଆରମ୍ଭ କରାଯାଇଥିଲା। ସେହି ଦିନଠାରୁ ସାରା ଦେଶରେ ‘ହର୍ ଘର୍ ଧ୍ୟାନ୍’ ପଦକ୍ଷେପ ଏକ ବଡ଼ ସଫଳତା ହାସଲ କରିଛି। ଗତ କିଛି ମାସ ମଧ୍ୟରେ ଏକ ଲକ୍ଷରୁ ଅଧିକ ଅଂଶଗ୍ରହଣକାରୀ ଅନସାଇଟ୍ ଇଭେଣ୍ଟରେ ଯୋଗ ଦେଇଛନ୍ତି।

ଅପରପକ୍ଷରେ ଶ୍ରୀ ଶ୍ରୀ ରବି ଶଙ୍କର କୁହନ୍ତି, “ଧ୍ୟାନ ଆପଣଙ୍କ ଦୃଷ୍ଟିକୋଣକୁ ପରିବର୍ତ୍ତନ କରିବାରେ ସାହାଯ୍ୟ କରେ। ଜିନିଷ ବୁଝିବା ପାଇଁ ଏହା ଆପଣଙ୍କ ମନୋଭାବକୁ ଉନ୍ନତ କରେ। ଏହା ଆପଣଙ୍କ ଆଖପାଖର ଲୋକଙ୍କ ସହିତ ଆପଣଙ୍କର ପାରସ୍ପରିକ ସମ୍ପର୍କକୁ ଉନ୍ନତ କରିଥାଏ। ସ୍ୱାସ୍ଥ୍ୟରେ ଉନ୍ନତି ଆଣିବା, ଚାପ, ଚିନ୍ତା ଏବଂ ଉଦାସୀନତାକୁ ହ୍ରାସ କରିବା ସହିତ ଜଣଙ୍କୁ ନିଜର ମନ ଦୃଢତା ପରିଚାଳନା କରିବାର କ୍ଷମତା ପ୍ରଦାନ କରିବାକୁ ଧ୍ୟାନ ଏକ ମାତ୍ର ଅସ୍ତ୍ର ଭାବେ ପ୍ରମାଣିତ ହୋଇଛି।”