ଗାବା: ଭାରତ ଓ ଅଷ୍ଟ୍ରେଲିଆ ମଧ୍ୟରେ ଖେଳା ଯାଉଥିବା ବର୍ଡର-ଗାଭାସ୍କର ଟ୍ରଫିର ତୃତୀୟ ଟେଷ୍ଟ ଗାବାରେ ଆରମ୍ଭ ହୋଇଛି । ପ୍ରଥମ ଦିବସ ଖେଳ ବର୍ଷା ଯୋଗୁ ବାଧାପ୍ରାପ୍ତ ହୋଇଛି । ଅଷ୍ଟ୍ରେଲିଆ ପ୍ରଥମେ ବ୍ୟାଟିଂ କରି ୧୩.୨ ଓଭରରେ କୌଣସି ୱିକେଟ ନ ହରାଇ ୨୮ ରନ ସଂଗ୍ରହ କରିଛି । ଉସମାନ ଖ୍ୱାଜା ୧୯ ଓ ନାଥାନ ମ୍ୟାକ୍ସୱିନୀ ୪ ରନ କରି ଅପରାଜିତ ରହିଛନ୍ତି । ୫.୩ ଓଭର ପରେ ବର୍ଷା ଯୋଗୁ ଖେଳ ବନ୍ଦ କରାଯାଇଥିଲା । ପୂନର୍ବାର ୧୩.୨ ଓଭର ପରେ ଏହା ବନ୍ଦ ହୋଇଥିଲା । ଏହା ପରେ ଆଉ ଖେଳାଯିବା ସମ୍ଭବପର ହୋଇ ନ ଥିଲା । ଦ୍ୱିତୀୟ ଦିବସରେ ୯୮ ଓଭର ଖେଳାଯିବ ବୋଲି ସ୍ଥିର ହୋଇଛି ।
ଭାରତୀୟ ସମୟ ସକାଳ ୫:୨୦ରେ ଏହା ଆରମ୍ଭ ହେବ । ଟିମ ଇଣ୍ଡିଆ ଅଧିନାୟକ ରୋହିତ ଶର୍ମା ଟସ ଜିତି ପ୍ରଥମେ ଫିଲ୍ଡିଂ କରିବା ପାଇଁ ନିଷ୍ପତି ନେଇଥିଲେ । ଭାରତ ଚୂଡାନ୍ତ ଏକାଦଶରୁ ରବିଚନ୍ଦ୍ରନ ଅଶ୍ୱୀନ ଓ ହର୍ଷିତ ରାଣାଙ୍କୁ ବାଦ ଦେଇଥିବା ବେଳେ ରବୀନ୍ଦ୍ର ଜାଡେଜା ଓ ଆକାଶଦୀପଙ୍କୁ ସାମିଲ କରାଯାଇଛି । ଅଷ୍ଟ୍ରେଲିଆ ଟିମ ସ୍କଟ ବୋଲାଣ୍ଡଙ୍କ ସ୍ଥାନରେ ଜୋଶ ହାଜେଲଉଡଙ୍କୁ ସାମିଲ କରିଛି । ୫ ମ୍ୟାଚ ବିଶିଷ୍ଟ ସିରିଜ ଏବେ ୧-୧ ସମାନ ସ୍ଥିତିରେ ରହିଛି ।