ବ୍ରିସବେନ: ଅଷ୍ଟ୍ରେଲିଆରେ ବାତ୍ଯା ଆଲଫ୍ରେଡ୍ ଆସିବା ପୂର୍ବରୁ ଶନିବାର ଦିନ ଏହାର ପୂର୍ବ ଅଞ୍ଚଳର ହଜାର ହଜାର ଲୋକଙ୍କୁ ସ୍ଥାନାନ୍ତର କରିବାକୁ ନିର୍ଦ୍ଦେଶ ଦିଆଯାଇଛି। ବାତ୍ଯା ପ୍ରଭାବରେ ପ୍ରବଳ ବର୍ଷା, ବଡ଼ବଡ଼ ଢେଉ ଏବଂ ପବନ ବେଗ ବଢିବ ଯାହା ବିଦ୍ୟୁତ୍ ଯୋଗାଣ ବାଧାପ୍ରାପ୍ତ କରିବ। ଯେଉଁଥିପାଇଁ ବିମାନ ସେବା ମଧ୍ଯ ରଦ୍ଦ କରାଯାଉଛି।
ପାଣିପାଗ ବିଭାଗର ସୂଚନା ଅନୁଯାୟୀ, ଉପକୂଳ ଆଡକୁ ଆଲଫ୍ରେଡର ଧୀର ଗତି ଚିନ୍ତା ସୃଷ୍ଟି କରିଛି। କାରଣ ଏହା ଦୀର୍ଘ ସମୟ ଧରି ପ୍ରବଳ ବର୍ଷା ଆଣିପାରେ ଏବଂ ଏହା ବର୍ଗ ୨ ଶ୍ରେଣୀର ବୋଲି କୁହାଯାଉଛି। ବ୍ରିସବେନ ଅଷ୍ଟ୍ରେଲିଆର ତୃତୀୟ ସର୍ବାଧିକ ଜନସଂଖ୍ୟା ବିଶିଷ୍ଟ ସହର ହୋଇଥିବା ବେଳେ ବ୍ରିସବେନର ଉତ୍ତରରେ ବାତ୍ଯା ସ୍ଥଳଭାଗ ଛୁଇଁବ ବୋଲି ଆଶଙ୍କା କରାଯାଉଛି।
ବିଦ୍ୟୁତ୍ କମ୍ପାନୀଗୁଡ଼ିକ କହିଛନ୍ତି ଯେ ସେମାନେ ଦୁଇଟି ରାଜ୍ୟର ୮୦,୦୦୦ରୁ ଅଧିକ ଘରର ବିଦ୍ୟୁତ୍ କାଟ କରିଛନ୍ତି। ଯାହା ମଧ୍ୟରୁ ପ୍ରାୟ ଅଧା ଗୋଲ୍ଡ କୋଷ୍ଟରେ ରହିଛି।
Comments are closed.