ନୂଆଦିଲ୍ଲୀ: ଜାପାନର ଟଏଲେଟ୍ ତିଆରି କମ୍ପାନୀ ଟୋଟୋ ଏକ ପବ୍ଲିକ ସର୍ବିସ ଆନାଉନସମେଣ୍ଟ କରିଥିଲା, ଯେଉଁଥିରେ ସେ କହିଥିଲେ ଯେ, ଟଏଲେଟ୍ ସିଟ୍ କୁ ଟଏଲେଟ୍ ପେପରରେ ପୋଛିବା ଉଚିତ୍ ନୁହେଁ । ଜାପାନର ଖବରକାଗଜ ମେନିଚି ଶିମ୍ବୁନରେ ଏହି ସୂଚନା ଦିଆଯାଇଛ ।
ରିପୋର୍ଟରେ କୁହାଯାଇଛି ଯେ, ଟଏଲେଟ୍ ସିଟ୍ ତିଆରି କମ୍ପାନୀ ଟୋଟୋ ସୋସିଆଲ ମିଡିଆରେ ଏକ ପୋଷ୍ଟ ଜାରି କରିଛି । ଏହି ପୋଷ୍ଟରେ ଟଏଲେଟ୍ ପେପରରେ ଟଏଲେଟ୍ ସିଟ୍ ନପୋଛିବାକୁ ପରାମର୍ଶ ଦିଆଯାଇଛି । ଆସନ୍ତୁ ଜାଣିବା ଏହା ବିଷୟରେ…
ଖବରକାଗଜ ମେନିଚି ଶିମ୍ବୁନ ଅନୁସାରେ, ଜଣେ ଗ୍ରାହକଙ୍କ ଅଭିଯୋଗ ପରେ କମ୍ପାନୀ ଏପରି ନିର୍ଦ୍ଦେଶ ଦେବାକୁ ବାଧ୍ୟ ହୋଇଥିଲା । ଜଣେ ଉପଭୋକ୍ତା ଏକ ପୋଷ୍ଟ ମାଧ୍ୟମରେ ଅଭିଯୋଗ କରିଛନ୍ତି ଯେ ତାଙ୍କର ନୂଆ ଟୋଟୋ ଟଏଲେଟ୍ ସିଟ୍ ଟଏଲେଟ୍ ପେପରରେ ପୋଛିଦେବା ପରେ ସ୍କ୍ରାଚ୍ ହୋଇଛି । ଏହି ପୋଷ୍ଟର ପ୍ରତିକ୍ରିୟାରେ କମ୍ପାନୀ କହିଛି ଯେ ସେମାନଙ୍କର ‘ୱାଶଲେଟ୍’ ବିଡେଟ୍ ଟଏଲେଟ୍ ପ୍ଲାଷ୍ଟିକ୍ ରେଜନୀରେ ତିଆରି ।
ଏପରି ପରିସ୍ଥିତିରେ, ଟଏଲେଟ କାଗଜ କିମ୍ବା ଶୁଖିଲା କପଡା ସହିତ ସିଟ୍ ପୋଛିଦେଲେ ଏହା ଉପରେ ଛୋଟ କିମ୍ବା ଅଦୃଶ୍ୟ ସ୍କ୍ରାଚ୍ ହୋଇପାରେ । କେବଳ ଏତିକି ନୁହେଁ, ଏହି ଜାଗାରେ ମଇଳା ଜମା ହୋଇପାରେ, ଯେଉଁଥିପାଇଁ ଏହା ଖରାପ ହୋଇପାରେ ।
ତେବେ ଟୋଟୋର ସ୍ୱତନ୍ତ୍ର ବିଡେଟ ଟଏଲେଟରେ ଅଟୋମେଟିକ କଭର ଏବଂ ଏୟାର ଡ୍ରାୟର ଭଳି ସୁବିଧା ଅଛି । ଏହା ଦୁନିଆର ସବୁଠାରୁ ଚାହିଦା ଟଏଲେଟ ମଧ୍ୟରୁ ଗୋଟିଏ । କମ୍ପାନୀ କହିଛି ଯେ ବର୍ତ୍ତମାନ ସେମାନଙ୍କର ଟଏଲେଟର ସାମଗ୍ରୀ ବଦଳାଇବାକୁ କୌଣସି ଯୋଜନା ନାହିଁ ।
ଲାଇଫଷ୍ଟାଇଲ ଏକ୍ସପର୍ଟମାନେ ପରାମର୍ଶ ଦେଇଛନ୍ତି ଯେ, ଶୁଖିଲା ଟଏଲେଟ୍ କାଗଜ ବଦଳରେ ପାଣି କିମ୍ବା ଡିଟରଜେଣ୍ଟରେ ଭିଜାଯାଇଥିବା ଏକ ନରମ କପଡାରେ ଟଏଲେଟ୍ ସିଟ୍ ସଫା କରିବା ପାଇଁ ବ୍ୟବହାର କରାଯାଇପାରିବ । ଏକ୍ସପର୍ଟମାନେ ଏହା ମଧ୍ୟ ଚେତାବନୀ ଦେଇଛନ୍ତି ଯେ ଦୀର୍ଘ ସମୟ ଧରି ଏକ କମୋଡରେ ବସିବା ସ୍ୱାସ୍ଥ୍ୟଗତ ସମସ୍ୟା ସୃଷ୍ଟି କରିପାରେ । ଯେହେତୁ ଆମେ ଜାଣୁ ଯେ ଅଧିକାଂଶ ଲୋକ ନିଜ ଫୋନକୁ ବାଥରୁମକୁ ନେଇ ଯାଆନ୍ତି, ଯେଉଁ କାରଣରୁ ସେମାନେ କମୋଡରେ ଅଧିକ ସମୟ ବିତାଇଥା’ନ୍ତି । ଏପରି ପରିସ୍ଥିତିରେ, କମୋଡରେ ବସିବା ଆପଣଙ୍କ ଶରୀରକୁ କ୍ଷତି ପହଞ୍ଚାଇପାରେ ।
ସୂଚନାଯୋଗ୍ୟ, ଗୁରିତ୍ବାକର୍ଷଣ କେବଳ ଆମକୁ ପୃଥିବୀ ସହିତ ଯୋଡି ରଖେ ନାହିଁ, ବରଂ ରକ୍ତକୁ ହାର୍ଟରେ ଫେରାଇବାରେ ମଧ୍ୟ ସାହାଯ୍ୟ କରେ । ଏହା ବ୍ୟତୀତ ଟଏଲେଟ୍ ସିଟ୍ କୌଣସି ସାଧାରଣ ଚେୟାର ଠାରୁ କମ୍ ଉଚ୍ଚତାର ଅଟେ, ଏହି କାରଣରୁ ଶୌଚାଳୟରେ ଦୀର୍ଘ ସମୟ ବସି ରହିବା ଶରୀର ଉପରେ ଚାପ ସୃଷ୍ଟି କରିଥାଏ ।