ପୁରୀ: ଆଜି ବାପୁଜୀଙ୍କର ୧୫୪ତମ ଜନ୍ମ ଜୟନ୍ତୀ। ଗାନ୍ଧୀ ଜୟନ୍ତୀ ଉପଲକ୍ଷେ ଓଲଟା ଚିତ୍ରକର ଆୟୁଷ ମହାପାତ୍ର ନିଆରା ଢଙ୍ଗରେ ଗାନ୍ଧୀଙ୍କ ଏକ ସୁନ୍ଦର ଚିତ୍ର ଆଙ୍କି ଶ୍ରଦ୍ଧାଞ୍ଜଳି ଦେଇଛନ୍ତି। ମାତ୍ର ୬ ମିନିଟରେ ଜାତିର ପିତା ମହତ୍ମା ଗାନ୍ଧୀଙ୍କ ଏହି ସୁନ୍ଦର ଚିତ୍ର ଆଙ୍କି ବେଶ୍ ପ୍ରଶଂସା ସାଉଁଣ୍ଟିଛନ୍ତି ଆୟୁଷ।
ଏହି ପେଣ୍ଟିଂରେ ଭାରତ ମାନଚିତ୍ର ମଧ୍ଯରେ ବାପୁଜୀଙ୍କୁ ରଖାଯାଇଛି ଏବଂ ବିଶେଷ କରି ବାପୁଜୀ ଦେଇଥିବା ସ୍ୱଚ୍ଛତାର ବାର୍ତ୍ତାକୁ ଛବି ମାଧ୍ୟମରେ ପ୍ରସ୍ତୁତ କରିଛନ୍ତି ପୁରୀ ରିଭର୍ସ ପେଣ୍ଟର ଆୟୁଷ ମହାପାତ୍ର। ଏହାକୁ ନେଇ ବିଭିନ୍ନ ମହଲରେ ବେଶ୍ ପ୍ରଶଂସା ସାଉଁଣ୍ଟିଛନ୍ତି ଆୟୁଷ। ମାତ୍ର ୬ ମିନିଟରେ ଆୟୁଷ ଗାନ୍ଧୀଙ୍କ ସୁନ୍ଦର ଛବି ପ୍ରସ୍ତୁତ କରି ସମସ୍ତଙ୍କୁ ଚକିତ କରିଦେଇଛନ୍ତି।
ଏହି ପେଣ୍ଟିଂ ମାଧ୍ୟମରେ ଗାନ୍ଧୀଙ୍କ ଅହିଂସା ଓ ସ୍ୱଚ୍ଛତା ବାର୍ତ୍ତାକୁ ଲୋକଙ୍କ ନିକଟକୁ ପଠାଇଛନ୍ତି ଆୟୁଷ। ତେବେ ଆୟୁଷ ଏହି ଭଳି ଅନେକ ରିଭର୍ସ ପେଣ୍ଟିଂ କରିଛନ୍ତି। ଏଥିପାଇଁ ଆୟୁଷ ଇଣ୍ଡିଆ ବୁକ୍ ଅଫ ରେକର୍ଡରେ ବି ସ୍ଥାନ ପାଇଥିବା ବେଳେ ଦେଶ ବିଦେଶରେ ଅନେକ ପୁରସ୍କାର ହାସଲ କରିଛନ୍ତି।
Comments are closed.