ଭୁବନେଶ୍ୱର: ଭଗବାନ ଯାହାକୁ ବଂଚାଇବା ପାଇଁ ଚାହିଁବେ ତାକୁ କେହି ମାରିପାରିବେ ନାହିଁ । ସାଇବେରିୟାର ନୋଭୋସିବ୍ରିସ୍କରେ ଏ ଭଳି ଏକ ଘଟଣା ଘଟିଛି । ଏଠାରେ ଜଣେ ମାଆ ତାର ସଦ୍ୟଜାତ ସନ୍ତାନକୁ ମାଇନସ ୨୦ ଡିଗ୍ରୀରେ ଛାଡି ଦେଇ ପଳାଇଥିଲେ । ୫ଜଣ ଯୁବକ କାର୍ଡ ବୋର୍ଡ ବକ୍ସରେ ଥିବା ଏହି ପିଲାଟିକୁ ଉଦ୍ଧାର କରି ଡାକ୍ତରଖାନା ନେଇଥିଲେ । ଏହି ଭଳି ପରିସ୍ଥିତିରେ ପିଲାଟି କିପରି ବଂଚି ରହିଲା ତାହା ଡାକ୍ତରଙ୍କୁ ମଧ୍ୟ ଚକିତ କରି ଦେଇଥିଲା ।
ଏହି ସଦ୍ୟଜାତ ଶିଶୁ ନିକଟରେ କୌଣସି ପ୍ରକାରର ସ୍ୱାସ୍ଥ୍ୟାଗତ ଅସୁବିଧା ଦେଖିବାକୁ ମିଳି ନ ଥିଲା । ପୋଲିସ ଘଟଣାର ତଦନ୍ତ ଆରମ୍ଭ କରିଛି । ଏହି ଘଟଣା ପ୍ରସାରିତ ହେବା ପରେ ଜଣେ ଆଗ୍ରହୀ ଦମ୍ପତି ପିଲାଟିକୁ କୋଳେଇ ନେବା ପାଇଁ ଆଗ୍ରହ ପ୍ରକାଶ କରିଛନ୍ତି ।
Comments are closed.