ନୂଆଦିଲ୍ଲୀ: ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜରେ ଭାରତ ଶୋଚନୀୟ ଭାବେ ପରାଜିତ ହେବା ପରେ ବିସିସିଆଇ ଦଳର ପ୍ରଦର୍ଶନ ନେଇ ଅସନ୍ତୁଷ୍ଟ ଓ କ୍ଷୁବ୍ଧ ରହିଛି । କୋଚ ଗୌତମ ଗମ୍ଭୀର ତାଙ୍କ କେକେଆର ସହଯୋଗୀ ଷ୍ଟାଫଙ୍କୁ ନେବା ପାଇଁ ଜିଦ କରିଥିଲେ । ଏବେ ଫଳାଫଳ ସନ୍ତୋଷଜନକ ରହି ନ ଥିବାରୁ ବିସିସିଆଇ ସହଯୋଗୀ ଷ୍ଟାଫଙ୍କୁ ହଟେଇବା ପାଇଁ ଯୋଜନା କରୁଛି । ଟିମ ଇଣ୍ଡିଆରେ କେକେଆର କଲଚରକୁ ପ୍ରାଧାନ୍ୟ ଦେବାକୁ ବୋର୍ଡ ଚାହୁଁନି । ର୍ୟାନ ଟେନ ଡୋଶ୍ଚେଟ ଓ ଅଭିଷେକ ନାୟାରଙ୍କ ଉପରେ ଏବେ ବିସିସିଆଇର ଖଣ୍ଡା ଝୁଲୁଛି ।
କ୍ରିକଇନଫୋରେ ପ୍ରକାଶିତ ଖବର ଅନୁସାରେ ଆଉ ଗୋଟିଏ କିମ୍ବା ୨ଟି ସିରିଜ ଉପରେ ବିସିସିଆଇ ନଜର ରଖିଛି । ପ୍ରଦର୍ଶନସ୍ତର ସୁଧୁରିଲେ ବୋର୍ଡ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିପାରେ । ଗମ୍ଭୀରଙ୍କ ପ୍ରଶିକ୍ଷଣରେ କେକେଆର ଆଇପିଏଲର ଗତ ସଂସ୍କରଣରେ ଚାମ୍ପିୟନ ହୋଇଥିଲା । ଏହା ପରେ ସେ ଟିମ ଇଣ୍ଡିଆର କୋଚ ହୋଇଥିଲେ । କେକେଆରର ସହଯୋଗୀ ଷ୍ଟାଫଙ୍କୁ ସେ ଭାରତୀୟ ଟିମ ସହିତ ଯୋଡିଥିଲେ ।