ଭୁବନେଶ୍ୱର: ରାଜଧାନୀ ଭୁବନେଶ୍ୱରର ପୋଖରୀପୁଟ ଅଞ୍ଚଳରେ ଭୁବନେଶ୍ୱର ଉନ୍ନୟନ କର୍ତ୍ତୃପକ୍ଷ (ବିଡିଏ) ଏକ ବେଆଈନ ଜାଗାକୁ ମାଡି ବସିଥିବାକୁ ଉଚ୍ଚେଦ କରିଛି। ବିମାନବନ୍ଦର ଥାନା ଅଧୀନ ଅନନ୍ତବିହାର ଫେଜ୍-୩ ବିଡିଏ ହାଉସିଂ ପ୍ରୋଜେକ୍ଟରେ ଥିବା ୫ ହଜାର ବର୍ଗଫୁଟ୍ ସରକାରୀ ଜମିକୁ ବୁଧବାର ବିଡିଏର ସ୍ୱତନ୍ତ୍ର ଏନଫୋର୍ସମେଣ୍ଟ ସ୍କ୍ବାଡ୍ ଜବରଦଖଲରୁ ଜବତ କରିଛି।
ସୂଚନା ଥାଉ କି, ଏହି ଗୃହ ନିର୍ମାଣ ପ୍ରକଳ୍ପ ଭିତରେ ଏକ ଖୋଲା ଜାଗାକୁ ବିଡିଏ ଚିହ୍ନଟ କରିଥିଲା, ଯେଉଁଠି ଜବରଦଖଲ କରି ବ୍ୟକ୍ତିବିଶେଷ ଏହି ଜମିରେ ଘର ଓ ଅନ୍ୟାନ୍ୟ ନିର୍ମାଣ କରିଥିଲେ। ତେବେ ପୋଲିସ ସହାୟତାରେ କରାଯାଇଥିବା ଏହି ଉଚ୍ଛେଦ ଅଭିଯାନରେ ୧୭ଟି ଆଜବେଷ୍ଟସ ଘର, ୭୦ ଫୁଟ୍ ଲମ୍ବର ଏକ ପାଚେରୀ, ଏକ ଅସ୍ଥାୟୀ ଢାଞ୍ଚା ଉଚ୍ଛେଦ କରାଯାଇଛି। ଉଚ୍ଛେଦ ସମୟରେ ବିଡିଏର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।
ସରକାରୀ ଜମି ଏବଂ ଗୃହ ନିର୍ମାଣ ପ୍ରକଳ୍ପର ଅଖଣ୍ଡତା ବଜାୟ ରଖିବା ପାଇଁ କର୍ତ୍ତୃପକ୍ଷ ପ୍ରତିଶ୍ରୁତିବଦ୍ଧ ଥିବାରୁ କୌଣସି ଅଘଟଣ ନଘଟେ ଯେପରି ସେଥିପାଇଁ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା।
Comments are closed.