ଭେଇରାଲ ହେଲା ଭୋଜପୁରୀ ଅଭିନେତ୍ରୀ ଆକାଂକ୍ଷା ଦୁବେଙ୍କ ମୃତ୍ୟୁ ପୂର୍ବରୁ କରିଥିବା ଭିଡିଓ । ଭୋଜପୁରୀ ଅଭିନେତ୍ରୀ ବାରଣାସୀର ସାରନାଥ ଥାନାର ଏକ ଘରୋଇ ହୋଟେଲରେ ରଶି ଲଗାଇ ଆତ୍ମହତ୍ୟା କରିଛନ୍ତି ।ତାଙ୍କର ମୃ୍ତ୍ୟୁରେ ପରିବାର ସଦସ୍ୟଙ୍କ ସହ ଫ୍ୟାନ୍ସମାନେ ମଧ୍ୟ ଦୁଃଖରେ ଭାଙ୍ଗି ପଡିଛନ୍ତି ।
ଆକାଂକ୍ଷା ଭଦୋହୀ ଜନପଥ ପରସୀପୁରରେ ବାସିନ୍ଦା । ଭୋଜପୁରୀ ଫିଲ୍ମ ଇଣ୍ଡଷ୍ଟ୍ରୀର ଜଣାଶୁଣା ଅଭିନେତ୍ରୀ ଥିଲେ ଆକାଂକ୍ଷା । ତାଙ୍କର ମୃତ୍ୟୁ ପରେ ତାଙ୍କର ଶେଷ ଗୀତ ସୋସିଆଲ ମିଡିଆରେ ବେଶ ଭାଇରାଲ ହୋଇଛି ।
ଆକାଂକ୍ଷା ଦୁବେ ଭୋଜପୁରୀ ସୁପରଷ୍ଟାର ପବନ ସିଂହଙ୍କ ସହ ମ୍ୟୁଜିକ ଭିଡିଓରେ କାମ କରୁଥୁଲେ ।ଉଭୟ ପବନ ଏବଂ ଶିଳ୍ପୀରାଜଙ୍କ ଗୀତ ‘ ୟେ ୟାରା କଭି ହାରା ନାହିଁ’…. ସାଥ ଦେଖା ଗୟାରେ କାମ କରିଥିଲେ । ଏହି ଗୀତ ହେଉଛି ଆକାଂକ୍ଷାଙ୍କର ଶେଷ ଗୀତ । ତାଙ୍କର ଏହି ଗୀତଟି ଆଜି ହିଁ ରିଲିଜ ହୋଇଛି । ମୃତ୍ୟର ମାତ୍ର କେ ଘଣ୍ଟା ପୂର୍ବରୁ ଗୀତ ରିଲିଜ ହୋଇଛି । ଏହି ଶେଷ ଗୀତକୁ ଆକାଂକ୍ଷା ଶୁଣିଥିବେ କି ନାହିଁ ତାହା ଜଣା ନାହିଁ । କିନ୍ତୁ ଏହି ଗୀତ ତାଙ୍କର ସୋସିଆଲ ମିଡଆରେ ଭାରାଇଲ ହୋଇଛି । ମାତ୍ର କେଉଁ ମୁହୂର୍ତ୍ତ ପୂର୍ବରୁ ଯିଏ ଖୁସିରେ ନାଚୁଥିଲେ ସେ ଏମିତି ନିଶ୍ଚଳ ହୋଇଯିବ ବୋଲି କିଏ ବା କାହିଁକି ଭାବିବ ?
ଏହି ଗୀତରେ ଆକାଂକ୍ଷା ଦୁବେ ଜଣେ ଡ୍ୟାନ୍ସର ଭୂମିକା ନିଭାଇଛନ୍ତି ।ଲାଲ –ଗୋଲଡେନର ସ୍କର୍ଟ-ଚୁନରୀ ପିନ୍ଧି ଖୁବ ସୁନ୍ଦର ଦିଶୁଛନ୍ତି । ତାଙ୍କର ମୃତ୍ୟୁରେ ଫ୍ୟାନ୍ସମାନେ ସ୍ତବ୍ଧ ହୋଇଛନ୍ତି । କମର ହଲାଇ ଏତେ ଜୋସରେ ନାଚୁଥିବା ଏହି ଚୁଲବୁଲି ଝିଅଟି ଏମିତି ଚରମ ନିଷ୍ପତ୍ତି ନେଇପାରେ ଏହା ଫ୍ୟୋନ୍ସମାନେ ଗ୍ରହଣ କରିପାରୁ ନାହାନ୍ତି ।
ମ୍ୟଜିକ ଭିଡିଓ ବ୍ୟତୀତ ‘ବୀରୋ କେ ବୀର’ ଓ ‘କସମ ପୈଦା କରନେ ୱାଲେ କି-୨’ ଫିଲ୍ମରେ ଅଭିନୟ କରିଥିଲେ । ଅଭିନେତ୍ରୀ ଜଣକ କାହିଁକି ଏଭଳି ଚରମ ପଦକ୍ଷେପ ନେଲେ, ତାହା ଅସ୍ପଷ୍ଟ ରହିଚି । ଏହି ଖବର ପୂରା ଭୋଜପୁରୀ ଇଣ୍ଡଷ୍ଟ୍ରୀକୁ ସ୍ତବ୍ଧ କରିଦେଇଛି ।
Comments are closed.