ଭୁବନେଶ୍ୱର: ୨୦୨୦ ଫିଫା ୧୭ ବର୍ଷରୁ କମ୍ ବାଳିକା ଫୁଟବଲ୍ ବିଶ୍ୱକପ ଇଣ୍ଡିଆ ଓଡ଼ିଶା ରାଜଧାନୀରେ ଅନୁଷ୍ଠିତ ହେବ ବୋଲି ସୂଚନା ମିଳିଛି । ଏହାଫଳରେ ଓଡ଼ିଶାକୁ ବିଶ୍ୱକ୍ରୀଡ଼ା ମାନଚିତ୍ରରେ ଏକ ସ୍ୱତନ୍ତ୍ର ପରିଚୟ ମିଳିପାରିଛି ।
#Bhubaneswar becomes 1st venue to get provisional clearance for FIFA U-17 Women’s World Cup India 2020. @IndianFootball officials are satisfied with the commitment exhibited by state Govt to complete all the work that is required to obtain full ratification.
#OdishaForSports pic.twitter.com/OEnevDo6IH
— Odisha Sports (@sports_odisha) August 27, 2019
ଗଣମାଧ୍ୟମକୁ ସୂଚନାଦେଇ ମଙ୍ଗଳବାର ଦିନ ସ୍ଥାନୀୟ ସାଂଗଠନିକ ଟୁର୍ଣ୍ଣାମେଣ୍ଟ ନିର୍ଦ୍ଦେଶକ ରୋମା ଖାନ୍ନା ରାଜ୍ୟରେ ଲଗାତର ଅନ୍ତର୍ଜାତୀୟ ଟୁର୍ଣ୍ଣାମେଣ୍ଟ ତଥା ବିଭିନ୍ନ ବିଶ୍ୱସ୍ତରୀୟ କ୍ରୀଡ଼ା ପ୍ରତିଯୋଗିତା ଅନୁଷ୍ଠିତ ହୋଇପାରୁଥିବାରୁ ଓଡ଼ିଶାକୁ ଅଭିନନ୍ଦନ ଜ୍ଞାପନ କରିଛନ୍ତି ।
“ଆହୁରି ଅନେକ କାର୍ଯ୍ୟ ବାକି ରହିଛି । ରାଜ୍ୟ ସରକାର କଳିଙ୍ଗ ଷ୍ଟାଡ଼ିୟମକୁ ଫିଫାର ଟୁର୍ଣ୍ଣାମେଣ୍ଟ ହେବା ପରି ଷ୍ଟାଡ଼ିୟମ ଏବଂ ଟ୍ରେନିଂ ସ୍ଥାନଗୁଡ଼ିକ ପ୍ରତି ବିଶେଷ ଯତ୍ନବାନ ହେବା ଜରୁରୀ । ରାଜ୍ୟ ସରକାରଙ୍କ କ୍ରୀଡ଼ାବିଭାଗ ନିର୍ଦ୍ଧାରିତ ସମୟ ପୂର୍ବରୁ ଷ୍ଟାଡ଼ିୟମର ବିଭିନ୍ନ କାର୍ଯ୍ୟ ସମାପ୍ତ କରିଛନ୍ତି । ପ୍ରକୃତରେ ଏଥିଲାଗି ସରକାର ଧନ୍ୟବାଦ୍ୟର ଯୋଗ୍ୟ ।” ଏହା ଟୁର୍ଣ୍ଣାମେଣ୍ଟ ନିର୍ଦ୍ଦେଶକ ରୋମା ଖାନ୍ନା କହିଛନ୍ତି ।
ଭାରତରେ ପ୍ରଥମଥର ଲାଗି ମହିଳାଙ୍କ ଲାଗି କୌଣସି ଫିଫା ପକ୍ଷରୁ ଫୁଟବଲ୍ ବିଶ୍ୱକପ୍ ବା ଟୁର୍ଣ୍ଟାମେଣ୍ଟ ଆୟୋଜିତ ହେଉଛି ।
ଏସମ୍ପର୍କରେ ରାଜ୍ୟ ଯୁବସେବା ମନ୍ତ୍ରୀ ତୁଷାରକାନ୍ତି ବେହେରା କହିଛନ୍ତି, “ଦେଶରେ ପ୍ରଥମଥର ଲାଗି ଏହିପରି ଏକ ବିଶ୍ୱସ୍ତରୀୟ ମହିଳା ଫୁଟବଲ୍ ଟୁର୍ଣ୍ଣାମେଣ୍ଟଅନୁଷ୍ଠିତ ହେବାକୁ ଯାଉଛି । ତେବେ ଓଡ଼ିଶା ଲାଗି ଏହା ଅତ୍ୟନ୍ତ ଗୌରବର ବିଷୟ ଯେ, ବିଶ୍ୱର ସମ୍ମାନଜନକ ତଥା ଅତି ଲୋକପ୍ରିୟ ଖେଳର ବିଶ୍ୱକପ ଏଠାରେ ଅନୁଷ୍ଠିତ ହେବାକୁ ଯାଉଛି” ।