ବିଗ୍ ବସ୍ ଓଟିଟି ୨: ପ୍ରତିଯୋଗୀଙ୍କୁ ମିଳିବ ବିଳାସପୂର୍ଣ୍ଣ ଜୀବନଯାପନ କରିବାର ସୁଯୋଗ, ଘରର ଭିଡିଓ ଭାଇରାଲ

ମୁମ୍ବାଇ: ବଲିଉଡ ଏବଂ ଛୋଟ ପରଦାରେ ଧମାଲ କଲା ପରେ ଏବେ ସଲମାନ ଖାନ ଓଟିଟି (OTT) ରେ ମଧ୍ୟ ନିଜର ଜଲୱା ଦେଖାଇବାକୁ ସମ୍ପୂର୍ଣ୍ଣ ପ୍ରସ୍ତୁତ ଅଛନ୍ତି। ସଲମାନ ଖାନ ବିଗ୍ ବସ୍ ଓଟିଟି ର ଦ୍ୱିତୀୟ ସିଜନରେ ଆସୁଛନ୍ତି। ଏହି ସୋ ଓଟିଟିରେ ପ୍ରସାରିତ ହେବା ପୂର୍ବରୁ ମଧ୍ୟ କ୍ରମାଗତ ଲାଇମଲାଇଟରେ ରହି ଆସିଛି। ସୋ’ର ପ୍ରତିଯୋଗୀମାନଙ୍କଠାରୁ ଆରମ୍ଭ କରି ବିଗ୍ ବସଙ୍କ ଘର ସମ୍ପର୍କରେ ନିରନ୍ତର ଖବର ଆସୁଛି।

ପ୍ରକୃତରେ ସୋସିଆଲ ମିଡିଆରେ ଏହି ସୋ’ର ସେଟ୍ ଦୃତ ଗତିରେ ଭାଇରାଲ ହେଉଛି। ଛୋଟ ପରଦାରେ ବିଗ୍ ବସ୍ ଘର ତିଆରି କରିବାର ଥିମ୍ ଠାରୁ ନିର୍ମାତାମାନେ ଯେଉଁଭଳି ଭାବରେ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି ସେ ସମସ୍ତ ଘଟଣା ସୋସିଆଲ ମିଡିଆରେ ଭାଇରାଲ ହେଉଛି। କୁହାଯାଉଛି ଯେ ଓଟିଟିର ବିଗ୍ ବସ୍ ଘର ତିଆରି ପାଇଁ କୋଟି ଟଙ୍କା ଖର୍ଚ୍ଚ ହୋଇଛି। ଯଦିଓ ସୋ ଟି ଓଟିଟିରେ ଆସିବ କିନ୍ତୁ ନିର୍ମାତାମାନେ ଏହାକୁ ଚମତ୍କାର କରିବା ପାଇଁ କୌଣସି ରାସ୍ତା ଛାଡି ନାହାଁନ୍ତି।

The highly anticipated promo video of the #BiggBossOTT2 house has been released.pic.twitter.com/F5kvXjkgA8

— ➢ Iᴍᴍᴏʀᴛᴀʟ ? (@SavageBoyBunty) June 15, 2023

ବିଗ୍ ବସ୍ ଓଟିଟି-୨ ର ଥିମ୍ ବହୁତ ରଙ୍ଗୀନ। ସୋ’ର ଡ୍ରଇଂ ରୁମ୍ ବିଷୟରେ କହିବାକୁ ଗଲେ ସେଠାରେ ବଡ ଅକ୍ଷରରେ ବିଗ୍ ବସ୍ ଓଟିଟି ଲେଖାଯାଇଛି। ଏହା ସହିତ ଇଂରାଜୀ ଶବ୍ଦର ଅନେକ କୁଶନ ତଳେ ପଡ଼ିରହିଛି। ଭିଡିଓରେ ବେଡରୁମ ମଧ୍ୟ ଦେଖିବାକୁ ମିଳୁଛି। ସମସ୍ତ ଶଯ୍ୟା ବିଭିନ୍ନ ରଙ୍ଗ ବିରଙ୍ଗର। ତେବେ ସମଗ୍ର ଶଯ୍ୟା କକ୍ଷରେ ଲାଲ ରଙ୍ଗ ଅଧିକ ବ୍ୟବହୃତ ହୋଇଛି। ଘରେ ସ୍ଥାପିତ ସମସ୍ତ ଫ୍ୟାନ୍ସି ଲାଇଟ୍ ଭିଡିଓରେ ଦର୍ଶାଯାଇଛି।

Breaking #BiggBossOTT2 Full House Video, Here the Glimpse of #BiggBossOTT house pic.twitter.com/D3oGIeYM8f

— The Khabri (@TheKhabriTweets) June 15, 2023

ରୋଷେଇ ଘରଠାରୁ କନଫେସନ ରୁମ ଦ୍ୱାର ପର୍ଯ୍ୟନ୍ତ ଭିଡିଓରେ ଦେଖିବାକୁ ମିଳୁଛି। ବେଡରୁମ୍ ଭିତରେ ଥିବା କାନ୍ଥରେ ଚିତ୍ର କରାଯାଇଛି। ୱାଶରୁମରେ ଟଏଲେଟ ସିଟ୍ ଦ୍ୱାରା ଡିଜାଇନ୍ କରାଯାଇଛି। ସମୟ ସମୟରେ ଘର ଭିତରେ ନୂଆ ଏରିଆ ଖୋଲାଯିବ ବୋଲି କୁହାଯାଉଛି। ବର୍ତ୍ତମାନ କିଛି ଜିନିଷକୁ ଗୋପନ ରଖିବା ପାଇଁ ଯୋଜନା ପ୍ରସ୍ତୁତ କରାଯାଇଛି। କିନ୍ତୁ ଏହି ଭିଡିଓ ବିଗ୍ ବସ୍ ର ପ୍ରଶଂସକଙ୍କ ଉତ୍ସାହକୁ ବଢାଇ ଦେଇଛି।