ବିହାର : ବିହାର ସରକାର ରାଜ୍ୟରେ ସ୍କୁଲ ଛୁଟିକୁ ନେଇ ବଡ଼ ଘୋଷଣା କରିଛନ୍ତି। ଏବେ ବିହାରର ସ୍କୁଲଗୁଡ଼ିକରେ ଛୁଟି ସଂଖ୍ୟାକୁ କମାଇ ଦିଆଯାଇଛି। ଶିକ୍ଷା ବିଭାଗ ସ୍କୁଲଗୁଡ଼ିକରେ ସେପ୍ଟେମ୍ବରରୁ ଡିସେମ୍ବର ପର୍ଯ୍ୟନ୍ତ ଦିଆଯାଉଥିବା ଛୁଟିର ଏକ ନୂଆ ତାଲିକା ଜାରି କରିଛି। ଏବେ ସ୍କୁଲଗୁଡ଼ିକରେ ୨୩ଟି ଛୁଟି ଜାଗାରେ କେବଳ ୧୧ଟି ଛୁଟି ରହିବ।
ନୂଆ ତାଲିକା ଅନୁସାରେ ସ୍କୁଲ ଗୁଡିକରେ ଆଉ ରକ୍ଷାବନ୍ଧନରେ ଛୁଟି ମିଳିବ ନାହିଁ। ପୂର୍ବରୁ ସ୍କୁଲରେ ଏହି ଛୁଟି ପିଲାମାନଙ୍କୁ ଦିଆଯାଉଥିଲା। ସେହିପରି ଏଣିକି ଦୁର୍ଗାପୂଜା ଅବସରରେ ୬ଟି ଜାଗାରେ ମାତ୍ର ୩ ଦିନର ଅବକାଶ ରହିବ। ରାଜ୍ୟ ସରକାର ଦୀପାବଳିରୁ ଛଠ୍ ପୂଜା ପର୍ଯ୍ୟନ୍ତ ମିଳୁଥିବା ଛୁଟିରେ ମଧ୍ୟ ପରିବର୍ତ୍ତନ କରିଛନ୍ତି। ଆଗକୁ ୯ ଦିନର ଛୁଟି ଜାଗାରେ କେବଳ ୪ ଦିନର ଛୁଟି ରହିବ। ପ୍ରାଥମିକ ବିଦ୍ୟାଳୟରେ ଅତି କମ୍ରେ ୨୦୦ ଦିନ ଏବଂ ମାଧ୍ୟମିକ ବିଦ୍ୟାଳୟରେ ୨୨୦ ଦିନର କାର୍ଯ୍ୟ ଦିବସ ରହିବା ଆବଶ୍ୟକବୋଲି ଶିକ୍ଷା ବିଭାଗ ତରଫରୁ ଜାରି ହୋଇଥିବା ସଂଶୋଧିତ ଆଦେଶରେ କୁହାଯାଇଛି ।
Comments are closed.