କଟକରୁ ୧୨ ଲକ୍ଷ ଟଙ୍କାର ବ୍ରାଉନସୁଗାର ଜବତ

କଟକ : କଟକରୁ ପୁଣି ଧରା ହେଲା ଧଳା ଜହର । ବାଲିଯାତ୍ରା ପଡ଼ିଆ ନିକଟରୁ ୨୦ ଗ୍ରାମ ବ୍ରାଉନସୁଗାର ଜବତ କରିଛି କ୍ୟାଣ୍ଟନମେଣ୍ଟ ପୋଲିସ । ଯାହାର ଆନୁମାନିକ ମୂଲ୍ୟ ୧୨ ଲକ୍ଷ ଟଙ୍କା ହେବ ବୋଲି କମିସନରେଟ୍ ପୋଲିସ ସୂଚନା ଦିଆଯାଇଛି । ବ୍ରାଉନସୁଗାର୍ କାରବାର ଘଟଣାରେ ବାପା ପବିତ୍ର ମହାନ୍ତି ଓ ପୁଅ ନିରଞ୍ଜନ ମହାନ୍ତିଙ୍କୁ ଗିରଫ କରିଛି ପୋଲିସ । ଗତକାଲି ରାତିରେ ଗିରଫ ବାପା-ପୁଅ ମହାନଦୀ କୂଳରେ ବୁଲୁଥିବାର ଦେଖା ଯାଇଥିଲା । ସନ୍ଦେହରେ ପୋଲିସ ଘଟଣାସ୍ଥଳରେ ଚଢାଉ କରିଥିଲା । ଚଢ଼ାଉ ବେଳେ ସେମାନଙ୍କ ଠାରୁ ୧୨୦ ଗ୍ରାମର ବ୍ରାଉନ ସୁଗାର ଜବତ ହୋଇଥିଲା । ଗିରଫ ବାପ-ପୁଅଙ୍କ ଘର ଜଗତସିଂହପୁର ଜିଲ୍ଲା ଇଟାପଡ଼ା ଅଞ୍ଚଳରେ ବୋଲି ଅତିରିକ୍ତ ଡିସିପି ଅନିଲ୍ ମିଶ୍ର ସୂଚନା ଦେଇଛନ୍ତି ।