ମେଲବୋର୍ଣ୍ଣ: ଅଷ୍ଟ୍ରେଲିଆ ବିପକ୍ଷ ବର୍ଡର-ଗାଭାସ୍କର ଟ୍ରଫିର ୪ର୍ଥ ମ୍ୟାଚରେ ଭାରତର ପେସ ବୋଲର ଯଶପ୍ରୀତ ବୁମରାହ ଟେଷ୍ଟ କ୍ରିକେଟରେ ୨୦୦ ୱିକେଟ ପୂରଣ କରିଛନ୍ତି । ୨୦୦ରୁ ଊର୍ଦ୍ଧ୍ୱ ୱିକେଟ ହାସଲ କରିଥିବା ବୋଲରଙ୍କ ମଧ୍ୟରେ ବୁମରାହ ଆଭରେଜଙ୍କ ଶ୍ରେଷ୍ଠ ରହିଛି । ତାଙ୍କ ଆଭରେଜ ୧୯.୩ ରହିଛି । ସେ ମାଲକମ ମାର୍ଶାଲଙ୍କ ୨୦.୯୪ ଆଭରେଜକୁ ପଛରେ ପକାଇ ଦେଇଛନ୍ତି । ଦ୍ରୁତ ୨୦୦ ୱିକେଟ ହାସଲ କରିବାରେ ସେ ଭାରତର ଅନୀଲ କୁମ୍ବଲେ ଓ ହରଭଜନ ସିଂଙ୍କୁ ମଧ୍ୟ ପଛରେ ପକାଇ ଦେଇଛନ୍ତି । ବୁମରାହ ୪୪ ଟେଷ୍ଟରେ ୨୦୨ ୱିକେଟ ନେଇଛନ୍ତି ।
ଭାରତର ୧୨ତମ ବୋଲର ଭାବେ ସେ ୨୦୦ରୁ ଊର୍ଦ୍ଧ୍ୱ ୱିକେଟ ନେଇଛନ୍ତି । ବୁମରାହ ୪୪ ଟେଷ୍ଟରେ ଏହି ସଫଳତା ହାସଲ କରିଛି । ତେବେ ରବିଚନ୍ଦ୍ରନ ଅଶ୍ୱୀନ ୩୭ ଟେଷ୍ଟରେ ୨୦୦ ୱିକେଟ ନେଇ ପ୍ରଥମ ସ୍ଥାନରେ ରହିଛନ୍ତି । ବୁମରାହ ୨୦୦ ୱିକେଟ ନେବା ପାଇଁ ୮୪୮୪ ବଲ ନେଇ ୪ର୍ଥ ସ୍ଥାନରେ ରହିଛି । ୱାକର ୟୁନୁସ(୭୭୨୫), ଡେଲ ଷ୍ଟେଇନ(୭୮୪୮) ଓ କାଗିସୋ ରାବାଡା(୮୧୫୩) ପ୍ରଥମରୁ ତୃତୀୟ ସ୍ଥାନ ମଧ୍ୟରେ ରହିଛନ୍ତି ।
Comments are closed.