ପାଟନା: ବିହାରରେ ଏକ ବସ ଦୁର୍ଘଟଣାରେ ଜଣେ ଓଡ଼ିଆ ମହିଳା ତୀର୍ଥଯାତ୍ରୀଙ୍କର ମୃତ୍ୟୁ ଘଟିଛି । ଦୁରଘଟଣାରେ ଅନେକ ଓଫିଆ ଆହତ ହୋଇଛନ୍ତି । ଶୁକ୍ରବାର ସକାଳେ ବିହାରର କୈମୁର ଜିଲ୍ଲାରେ ଏହ ଦୁର୍ଘଟଣା ଘଟିଛି ।
ସ୍ଥାନୀୟ ପୋଲିସ ସୂତ୍ରରୁ ମିଳିଥିବା ସୂଚନା ଅନୁସାରେ, ମୃତା ମହିଳାଙ୍କ ନାମ ପାଲି ଓ ତାଙ୍କର ବୟସ ୪୫ ବର୍ଷ । ତାଙ୍କ ଘର ସୋନପୁରରେ ବୋଲି ଜଣାପଡିଛି ।
ମିଳିଥିବା ସୂଚନା ଅନୁସାରେ ଆଜି ଭୋର ପ୍ରାୟ ୩ଟାରେ ଜାତୀୟ ରାଜପଥ ୨ର ପଚାହଗଞ୍ଜଠାରେ ଏହି ଦୁର୍ଘଟଣା ଘଟିଥିଲା । ବସଟି ଅନ୍ୟ ଗୋଟିଏ ଗାଡିକୁ ଓଭରଟେକ କରି ଯିବା ସମୟରେ ଏହି ଦୁର୍ଘଟଣା ଘଟିଥିଲା । ବସରେ ଥିବା ସମସ୍ତ ଯାତ୍ରୀ ଓଡ଼ିଶାର ବୋଲି ଜଣାପଡିଛି । ଏହି ତୀର୍ଥଯାତ୍ରୀମାନେ ଗୟାରେ ପିଣ୍ଡଦାନ କରି ବାରଣାସୀ ଯାଉଥିଲେ ।
ଆହତମାନଙ୍କୁ କୁଦ୍ରା ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ଗୁରୁତର ଆହତଙ୍କୁ ଜିଲ୍ଲା ସଦର ହସ୍ପିଟାଲକୁ ସ୍ଥାନାନ୍ତର କରାଯାଇଛି ।
Comments are closed.