ନୂଆଦିଲ୍ଲୀ: NEET-UG ବିବାଦରେ ଏତଲା ଦେଲା ସିବିଆଇ। ପରୀକ୍ଷାରେ ଅନିୟମିତତା ଅଭିଯୋଗରେ ଏତଲା ଦେଇଥିବା ସୂଚନା ରହିଛି।ନିଟ୍ ପରୀକ୍ଷା ପ୍ରଶ୍ନପତ୍ର ଲିକ୍ ମାମଲାରେ ଶିକ୍ଷା ମନ୍ତ୍ରଣାଳୟର ଅଭିଯୋଗ ପରେ ସିବିଆଇ ଏକ ନିୟମିତ ମାମଲା ରୁଜୁ କରିଛି। ଆଇପିସି ଧାରା ୪୨୦, ଠକେଇ ଏବଂ ୧୨୦ବି ଅର୍ଥାତ୍ ଷଡଯନ୍ତ୍ର କରିବା ଅନୁଯାୟୀ ସିବିଆଇ ଏକ ଏଫ୍ଆଇଆର୍ ରୁଜୁ କରି ତଦନ୍ତ ଆରମ୍ଭ କରିଛି।
ସୂଚନାନୁସାରେ, ସିବିଆଇ ଏହାକୁ ଏକ ପୃଥକ ମାମଲା ରୁଜୁ କରିଛି। ସିବିଆଇର ଦିଲ୍ଲୀ ୟୁନିଟ୍ ଏହି ଘଟଣାର ତଦନ୍ତ କରୁଛି। ବିହାର ଏବଂ ଗୁଜୁରାଟର ମାମଲା ଗ୍ରହଣ କରାଯାଇ ନାହିଁ। ଉଭୟ ରାଜ୍ୟର ପୋଲିସ ବର୍ତ୍ତମାନ ତଦନ୍ତ କରି ସେମାନଙ୍କ ସ୍ତରରେ ଗିରଫ କରିବ ବୋଲି ସୂଚନା ରହିଛି। ଯେତେବେଳେ ସିବିଆଇ ଅଧିକ ଅନୁସନ୍ଧାନରେ ଜଡିତ ହେବ, ସେତେବେଳେ ବିହାର ଏବଂ ଗୁଜୁରାଟ ପୋଲିସ ସହ ଯୋଗାଯୋଗ କରାଯିବ ବୋଲି କୁହାଯାଉଛି।
ଉଭୟ ରାଜ୍ୟ ପୋଲିସର ସହମତି ପରେ ଏବଂ ଯେତେବେଳେ ଆବଶ୍ୟକ ହୁଏ, ସେମାନଙ୍କ ମାମଲା ଗ୍ରହଣ କରାଯାଇପାରିବ। ଏହାପୂର୍ବରୁ ୟୁଜିସି-ନେଟ୍ ମାମଲାରେ ମଧ୍ୟ ଶିକ୍ଷା ମନ୍ତ୍ରଣାଳୟର ଅଭିଯୋଗ ପରେ ସିବିଆଇ ଜାଲିଆତି ଏବଂ ଷଡଯନ୍ତ୍ର ବିଭାଗ ଅଧୀନରେ ଦୁର୍ବୃତଙ୍କ ବିରୋଧରେ ନିୟମିତ ମାମଲା ପଞ୍ଜିକରଣ କରି ତଦନ୍ତ ଆରମ୍ଭ କରିଛି।
Comments are closed.