ଅଞ୍ଜନା ମିଶ୍ର ଗଣଦୁଷ୍କର୍ମ ମାମଲା, ବିବନକୁ ନେଇ ସିନ୍ ରିକ୍ରିଏଟ୍ କଲା ସିବିଆଇ

ଭୁବନେଶ୍ୱର: ବହୁଚର୍ଚ୍ଚିତ ଅଞ୍ଜନା ମିଶ୍ର ଗଣଦୁଷ୍କର୍ମ ମାମଲା । ମୁଖ୍ୟ ଅଭିଯୁକ୍ତ ବିବନ ବିଶ୍ୱାଳକୁ ଘଟଣାସ୍ଥଳକୁ ନେଇ ସିନ୍ ରିକ୍ରିଏଟ କରିଛି ସିବିଆଇ ଟିମ୍ । ବାରଙ୍ଗ ଅଞ୍ଚଳର ଘଟଣାସ୍ଥଳକୁ ନେଇ ସିନ୍ ରିକ୍ରିଏଟ୍ କରାଯାଇଛି । ୧୯୯୯ ମସିହାର ସେହି କାଳ ରାତିରେ କେମିତି ବିବନ କୁକର୍ମ କରିଥିଲା ତାର ଡେମୋ ଦେଖାଉଛି ।

ସିବିଆଇ ଗୁରୁବାର ଠାରୁ ବିବନ ବିଶ୍ୱାଳ ଓରଫ ଜଳନ୍ଧରକୁ ୨ ଦିନିଆ ରିମାଣ୍ଡରେ ନେଇଛି । ରିମାଣ୍ଡର ଶେଷ ଦିନରେ ଚାଲିଛି କ୍ରାଇମ୍ ସିନ୍ ରିକ୍ରିଏଟ୍ । ସେଦିନ ବାରଙ୍ଗ ଥାନା ଅଞ୍ଚଳରେ କେମିତି ଏତେବଡ଼ କାଣ୍ଡ ଘଟାଇଥିଲେ ବିବନ ଓ ତାର ସହଯୋଗୀ । ଏସବୁର ଖୋଳତାଡ଼ କରୁଛି କେନ୍ଦ୍ରୀୟ ତଦନ୍ତକାରୀ ସଂସ୍ଥା ।

ଘଟଣା ପରେ ବିବନ କେମିତି ଖସି ପଳାଇଥିଲା । ନାଁ ପରିବର୍ତ୍ତନ ଓ ଫେରାର୍ ହେବାରେ ତାକୁ କିଏ ସହଯୋଗ କରିଥିଲା । ଜେରା ବେଳେ ଏମିତି ଅନେକ ପ୍ରଶ୍ନ ସିବିଆଇ ଗୁଡ଼େଇ ତୁଡ଼େଇ କରି ପଚାରିଛି । ବୁଧବାର ଝାରପଡ଼ା ଜେଲରେ ଟିଆଇ୍ ପରେଡରେ ଅଞ୍ଚନା ମିଶ୍ର ବିବନକୁ ଚିହ୍ନଟ କରିଥିଲେ । ଟିଆଇ ପରେଡରେ ଅଞ୍ଜନାଙ୍କ ଗାଡ଼ି ଚଳାଉଥିବା ଡ୍ରାଇଭର୍ ସାମିଲ୍ ଥିଲେ । ଘଟଣାର ୨୨ ବର୍ଷ ପରେ କମିଶନରେଟ୍ ପୋଲିସ ବିବନକୁ ମହାରାଷ୍ଟ୍ର ଅମ୍ବାଭ୍ୟାଲିରୁ ଅପରେସନ୍ ସାଇଲେଣ୍ଟ ଭାଇପର୍ ମାଧ୍ୟମରେ ଗିରଫ କରିଥିଲା ।