ସମ୍ବଲପୁରୀ ହସ୍ତତନ୍ତକୁ ଜିଆଇ ମାନ୍ୟତା ଦେବାକୁ ପ୍ରସ୍ତୁତି ଆରମ୍ଭ କଲା କେନ୍ଦ୍ର

ସମ୍ବଲପୁର: କେନ୍ଦ୍ର ସରକାର ଓଡ଼ିଶାର ସମ୍ବଲପୁରୀ ହସ୍ତତନ୍ତ ଉତ୍ପାଦକୁ ଜିଆଇ ଟ୍ୟାଗ୍ ଦେବା ପାଇଁ ପଦକ୍ଷେପ ନେବା ଆରମ୍ଭ କରିଛନ୍ତି। ଶନିବାର ସମ୍ବଲପୁରରେ ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ମ୍ୟାନେଜମେଣ୍ଟର ଏକ କାର୍ଯ୍ୟକ୍ରମରେ ବୟନଶିଳ୍ପ ମନ୍ତ୍ରଣାଳୟର ବୟନଶିଳ୍ପ କମିଶନର ରୋପ ରାଶି ଏହି ସୂଚନା ଦେଇଛନ୍ତି।

ଓଡ଼ିଶାର ମାଷ୍ଟର ବୁଣାକାରମାନଙ୍କ ପାଇଁ କ୍ଷୁଦ୍ର ବ୍ୟବସାୟ ପରିଚାଳନା ପ୍ରଶିକ୍ଷଣ କାର୍ଯ୍ୟକ୍ରମର ଉଦଯାପନୀ ଉତ୍ସବ ଅବସରରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା। ଓଡ଼ିଶାରେ ହସ୍ତତନ୍ତ ବ୍ୟବସାୟକୁ ସହଯୋଗ କରିବା ପାଇଁ ଫ୍ଲିପକାର୍ଟ ସମେତ ଅନ୍ୟାନ୍ୟ ପ୍ରତିଷ୍ଠିତ ସଂସ୍ଥାଗୁଡ଼ିକ ସହିତ ରଣନୈତିକ ସହଯୋଗକୁ ପ୍ରୋତ୍ସାହିତ କରିବା ଏହି କାର୍ଯ୍ୟକ୍ରମର ଉଦ୍ଦେଶ୍ୟ।

ରାଶି କହିଛନ୍ତି ଯେ ରଣନୈତିକ ପଦକ୍ଷେପ ଏବଂ ସହଯୋଗ ସ୍ଥାନୀୟ ଉଦ୍ୟୋଗଗୁଡ଼ିକୁ ପ୍ରୋତ୍ସାହିତ କରିପାରିବ ଏବଂ ସେମାନଙ୍କର ଆତ୍ମନିର୍ଭରଶୀଳତାକୁ ସୁନିଶ୍ଚିତ କରିପାରିବ। ଏକ ସ୍ଥାୟୀ ଉତ୍ପାଦ ମୂଲ୍ୟ ଚେନ୍ ସୃଷ୍ଟି କରିବା ଯାହା ଉତ୍ପାଦକମାନଙ୍କୁ ସଶକ୍ତ କରିବ ଏବଂ ସେମାନଙ୍କୁ ସ୍ୱୀକୃତି ପ୍ରଦାନ କରିବ। ଉତ୍ପାଦକମାନଙ୍କୁ ଚିହ୍ନଟ କରିବା ଏବଂ ସେମାନଙ୍କୁ ସ୍ୱୀକୃତି ଦେବା ସେମାନଙ୍କର ପ୍ରଭାବଶାଳୀ ଦରଦାମ ଏବଂ ଅବମୂଲ୍ୟାୟନରୁ ଦୂରେଇ ରହିବା ପାଇଁ ଗୁରୁତ୍ୱପୂର୍ଣ୍ଣ ବୋଲି ସେ କହିଛନ୍ତି।

ଆଇଆଇଏମ୍ ସମ୍ବଲପୁରର ନିର୍ଦ୍ଦେଶକ ପ୍ରଫେସର ମହାଦେବ ଜୟସ୍ୱାଲ କହିଛନ୍ତି ଯେ, ଓଡ଼ିଶାର ବୁଣାକାର ଓ କାରିଗରଙ୍କୁ ଶିକ୍ଷାଦାନ ଓ ତାଲିମ ପ୍ରଦାନ ଜାରି ରହିବ। ସେମାନେ ଫ୍ରାନ୍ସର ପ୍ୟାରିସସ୍ଥିତ ଇଣ୍ଟରନ୍ୟାସନାଲ ଇନଷ୍ଟିଚ୍ୟୁଟ ଅଫ ଏଜୁକେସନ ୟୁନିଭର୍ସିଟି କନସୋର୍ଟିୟମ ସହ ବୁଝାମଣା ସ୍ୱାକ୍ଷର କରିଥିବା ବେଳେ ଦିଲ୍ଲୀରେ ଏହାର କ୍ୟାମ୍ପସ ଥିବାରୁ ବୁଣାକାରଙ୍କ ହସ୍ତତନ୍ତ ଉତ୍ପାଦ ଦିଲ୍ଲୀ, ପ୍ୟାରିସରେ ପ୍ରଦର୍ଶିତ ହେବ ବୋଲି ସେ କହିଛନ୍ତି।

ତାଲିମ ନେଇଥିବା ୧୭ ଜଣ ମାଷ୍ଟର ବୁଣାକାର ଓଏନଡିସି ଡିଜିଟାଲ ପ୍ଲାଟଫର୍ମରେ ଯୋଗ ଦେଇ ସେମାନଙ୍କ ଉତ୍ପାଦ ବିକ୍ରି ଆରମ୍ଭ କରିଛନ୍ତି। ଏହି ପ୍ଲାଟଫର୍ମରେ ଖୁବଶୀଘ୍ର ପାଖାପାଖି ୧୦୦ ବୁଣାକାରଙ୍କ ଉତ୍ପାଦ ପ୍ରଦର୍ଶିତ ହେବ।

ଏହି ଅବସରରେ ‘ଟ୍ରେନିଂ ମାନୁଆଲ ଫର୍ ଦି ସ୍ମଲ ବିଜିନେସ୍ ମ୍ୟାନେଜମେଣ୍ଟ ଆଣ୍ଡ ଟ୍ରେନିଂ ପ୍ରୋଗ୍ରାମ ଫର୍ ଦି ମାଷ୍ଟର ଓ୍ବେବସାଇଟ୍ ‘www.bunkarvalleys.com’ ନାମକ ଏକ ପୁସ୍ତକ ଉନ୍ମୋଚିତ ହୋଇଥିଲା।