ପୁରୀ: ଶ୍ରୀକ୍ଷେତ୍ରରେ ଭାରତର ଏକ ନମ୍ବର ସେଫ ସଞ୍ଜୀବ କପୁର । ଶ୍ରୀମନ୍ଦିର ଯାଇ ଜଗାଦର୍ଶନ କରିଛନ୍ତି ସଞ୍ଜୀବ । ଜଗାଦର୍ଶନ କରି ଭାଵବିହ୍ଵଳ ହୋଇଛନ୍ତି । ଏପରି ଦିବ୍ୟ ଦର୍ଶନ ଭାଗ୍ୟରେ ଥିଲେ ମିଳେ ବୋଲି କହିଛନ୍ତି ସଞ୍ଜୀବ କପୁର । ଯିଏ ଯେଉଁ କାମ କରୁ ବା ଯେଉଁଠାକୁ ଯାଉ,ହେଲେ ଶ୍ରୀମନ୍ଦିର ନିଶ୍ଚୟ ଯାଇଥାଏ ।ସେ ନିଜେ ମଧ୍ୟ ଯେତେଥର ଓଡିଶା ଆସିଛନ୍ତି ଶ୍ରୀମନ୍ଦିର ଯାଇ କଳାଠାକୁରଙ୍କ ଦର୍ଶନ କରିଛନ୍ତି ବୋଲି ଦର୍ଶନ ପରେ ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି ଶ୍ରୀ କପୁର କହିଛନ୍ତି ।
ଶ୍ରୀ କପୁର କହିଛନ୍ତି, ସେ ଯେତେବେଳେ ଭୁବନେଶ୍ୱର ଆସନ୍ତି, ପୁରୀ ଆସି ଜଗା ଦର୍ଶନ କରିବାକୁ ଉଦ୍ୟମ କରିଥାନ୍ତି । ଅନେକ ସମୟରେ ଚୁପଚାପ ଆସି ଜଗାଦର୍ଶନ କରି ଫେରି ଯାଇଥାଏ । ଅନେକ ସମୟରେ ଖବର ପ୍ରଚାର ହୋଇଯାଏ ବାେଲି ସେ କହିଛନ୍ତି । ସେଫ ସଞ୍ଜୀବ କପୁର ପତ୍ନୀ ଅଲ୍ୟନାଙ୍କ ସହ ପୁରୀ ଆସି ଜଗା ଦର୍ଶନ କରି ଫେରିଛନ୍ତି ।
ଏଠି କହିରଖିବୁ, ଏସିଆର ସର୍ବବୃହତ ତଥା ସବୁଠୁ ଲମ୍ବା ସମୟ ଧରି ଚାଲିଥିବା କୁକିଙ୍ଗ ଶୋ “ଖାନା ଖଜାନା” କୁ ହୋଷ୍ଟ କରୁଥିଲେ ସଞ୍ଜୀବ । କପୁର ଏହି ଶୋ’ ୨୦୧୦ରେ ସର୍ବାଧିକ ୫୦୦ ମିଲିଅନ ଭିୟୁର ଗୋଟାଇବାରେ ସଫଳ ହୋଇଥିଲା ।। ୨୦୧୭ରେ ତାଙ୍କୁ ପଦ୍ମଶ୍ରୀ ଉପଧିରେ ସମ୍ମାନିତ କରାଯାଇଥିଲା ।
Comments are closed.