ଭୁବନେଶ୍ୱର: ଜୁଲାଇ ୮ ତାରିଖରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଅଭିଯୋଗ ପ୍ରକୋଷ୍ଠ ବନ୍ଦ ରହିବ । ରାଜ୍ୟ ସରକାର ବିଜ୍ଞପ୍ତି ଜାରି କରି ଏହା କହିଛନ୍ତି। ସାଧାରଣ ପ୍ରଶାସନ ଓ ଜନଅଭିଯୋଗ ବିଭାଗ ପକ୍ଷରୁ ଗୁରୁବାର ଏକ ବିଜ୍ଞପ୍ତି ଜାରି କରି କୁହାଯାଇଛି ଯେ ରାଜ୍ୟ ସରକାର ରଥଯାତ୍ରା ପାଇଁ ଜୁଲାଇ ୮ (ସୋମବାର) ଛୁଟି ଘୋଷଣା କରିଛନ୍ତି।
ଫଳରେ ଏହି ଦିନ ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠ ବନ୍ଦ ରହିବ। ରଥଯାତ୍ରା ପାଇଁ ସରକାର ଜୁଲାଇ ୮ ତାରିଖରେ ବ୍ୟାଙ୍କ, ବ୍ୟାଙ୍କିଂ ଅନୁଷ୍ଠାନ, ଏହାର କାର୍ଯ୍ୟାଳୟ ଏବଂ ରାଜସ୍ୱ ଓ ମାଜିଷ୍ଟ୍ରେଟ୍ ଅଦାଲତ (କାର୍ଯ୍ୟନିର୍ବାହୀ) ପାଇଁ ଛୁଟି ଘୋଷଣା କରିଛନ୍ତି।
ମୁଖ୍ୟମନ୍ତ୍ରୀ ମଙ୍ଗଳବାର ଜୁଲାଇ ୮ ତାରିଖକୁ ଛୁଟି ଘୋଷଣା କରିଥିଲେ। ଜୁଲାଇ ୭ ତାରିଖ ସନ୍ଧ୍ୟାରେ ରଥଟଣା ଆରମ୍ଭ ହୋଇ ପରଦିନ ଠାରୁ ଆରମ୍ଭ ହେବାକୁ ଥିବାରୁ ସୋମବାର ମଧ୍ୟ ସରକାରୀ କାର୍ଯ୍ୟାଳୟ ବନ୍ଦ ରହିବ।
ଉଲ୍ଲେଖଯୋଗ୍ୟ, ରଥଯାତ୍ରା ବ୍ୟତୀତ ଅନ୍ୟ ଦୁଇଟି ପର୍ବ ନବଯୌବନ ଦର୍ଶନ ଓ ନେତ୍ର ଉତ୍ସବ ସମାନ ଦିନରେ ପାଳିତ ହେଉଥିବାରୁ ଚଳିତ ବର୍ଷ ରଥଟଣା ବିଳମ୍ବିତ ହୋଇଛି।