ଭୁବନେଶ୍ୱର: ଭୁବନେଶ୍ୱରର ଶିଶୁ ଭବନ ଛକ ନିକଟରେ ଶନିବାର ଦିନ ଗୋଟିଏ କ୍ରେନ୍ ଟ୍ରାଫିକ୍ ପୋଷ୍ଟକୁ ଧକ୍କା ଦେଇଥିବା ବେଳେ ଅଳ୍ପକେ ବର୍ତ୍ତି ଯାଇଛନ୍ତି କାର୍ଯ୍ୟରତ ଟ୍ରାଫିକ୍ କନଷ୍ଟେବଳ ।
ପ୍ରାପ୍ତ ସୂଚନା ଅନୁଯାୟୀ ଆଜି ସକାଳେ ବିଜୟ ସାହୁ ଓ ପ୍ରକାଶ ମାର୍ଥା ନାମକ ଦୁଇ ଜଣ ଟ୍ରାଫିକ୍ କନଷ୍ଟେବଳ ଉକ୍ତ ପୋଷ୍ଟରେ ମୁତୟନ ଥିବା ବେଳେ ଏହି ଅଘଟଣ ଘଟିଛି । ଏପରିକି ଏକ ଦ୍ରୁତଗାମୀ କ୍ରେନ୍ ମାଡି ଆସୁଥିବା ଦେଖି ଦୁହେଁ ଦୌଡି ପଳାଇଥିଲେ ।
ତେବେ ଦୁର୍ଘଟଣାରେ ଟ୍ରାଫିକ୍ ପୋଷ୍ଟ ସମ୍ପୂର୍ଣ୍ଣ ଭାଙ୍ଗି ଯାଇଥିବା ନେଇ ଜଣାପଡିଛି । ପରେ ପୋଲିସ ସମ୍ପୃକ୍ତ କ୍ରେନ୍ ଡ୍ରାଇଭରକୁ ଧରିଥିଲା ।
Comments are closed.