ନୂଆଦିଲ୍ଲୀ: ଦିଲ୍ଲୀ ପୋଲିସର ସ୍ପେସିଆଲ ସେଲକୁ ମିଳିଛି ବଡ ସଫଳତା। ସ୍ପେସିଆଲ ବ୍ରାଞ୍ଚର ଅପରେସନରେ ୧୦ କୋଟି ଟଙ୍କା ମୂଲ୍ୟର କୋକେନ ଜବତ କରାଯାଇଛି। ଏହା ସହିତ ଏକ ଫରଚୁନର କାର ମଧ୍ୟ ଜବତ ହୋଇଛି। ଅମୃତସର ବିମାନ ବନ୍ଦରରେ ଅଭିଯୁକ୍ତ ଜିତେନ୍ଦ୍ର ଉଫ ଜସୀକୁ ଗିରଫ କରାଯାଇଛି।
ସୂଚନାଯୋଗ୍ୟ, ଦିଲ୍ଲୀ ପୋଲିସ ଦ୍ବାରା ୫ ହଜାର ୬ ଶହ କୋଟିର ଡ୍ରଗ୍ସ ରାକେଟର ପର୍ଦ୍ଦାଫାଶ ହେବାପରେ ଏବେ ଏହି ଗ୍ୟାଙ୍ଗର ମୁଖ୍ୟ ବିରେନ୍ଦ୍ର ବୋସାୟା ବିରୋଧରେ ପୋଲିସ ଲୁକ ଆଉଟ ନୋଟିସ ଜାରି କରିଛି । ବିରେନ୍ଦ୍ର ଦୁବାଇରେ ରହି ଅନ୍ୟ ଦେଶମାନଙ୍କ ସହ ଡ୍ରଗ୍ସ କାରବାର କରୁଥିବା ପୋଲିସ ସୂଚନା ଦେଇଛି। ଜବତ ହୋଇଥିବା କୋକେନ ବିରେନ୍ଦ୍ର ଦ୍ବାରା ପଠାଯାଇଥିବା ତଦନ୍ତରୁ ଜଣାଯାଇଛି। ଗତ ଅକ୍ଟୋବର ୨ ତାରିଖରେ ଦିଲ୍ଲୀ ପୋଲିସ ୫୬୦ କେଜିରୁ ଅଧିକ କୋକେନ ଓ ୪୦ କେଜି ହାଇଡ୍ରୋପୋନିକ ମାରିଯୁଆନା ଜବତ କରିଥିଲା। ଏହାର ମୂଲ୍ୟ ପାଖାପାଖି ୫ ହଜାର ୬ ଶହ ୨୦ କୋଟି ହେବ ବୋଲି ଜଣେ ଅଧିକାରୀ ସୂଚନା ଦେଇଛନ୍ତି।
Comments are closed.