ମଧ୍ୟପ୍ରଦେଶ: ନିଆରା ଢଙ୍ଗରେ ଜନ୍ମଦିନ ପାଳିଲେ ବିଧାୟକ । ଫୁଲମାଳ ପିନ୍ଧିବାକୁ ରୋକ୍ଠୋକ୍ ମନା କଲେ । ଫୁଲମାଳ ବଦଳରେ ବେକରେ ଗୁଡ଼ାଇଲେ ସାପ । ନିକଟରେ ମଧ୍ୟପ୍ରଦେଶର ଜଣେ ବିଧାୟକ ଏପରି ନିଆରା ଢଙ୍ଗରେ ଜନ୍ମଦିନ ପାଳି ଚର୍ଚ୍ଚାକୁ ଆସିଛନ୍ତି । ଏହି ସମୟର ଏକ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେବାର ଲାଗିଛି ।
ମଧ୍ୟପ୍ରଦେଶର ଶୋହେପୁରର କଂଗ୍ରେସ ବିଧାୟକ ବାବୁ ଜାଣ୍ଡେଲଙ୍କ ଜନ୍ମଦିନ ଥିଲା । ସେ ତାଙ୍କ ଜନ୍ମଦିନକୁ ଏକ ନିଆରା ଭାବରେ ପାଳନ କରିଥିଲେ । ସମର୍ଥକ ଦେଇଥିବା ଫୁଲମାଳକୁ ନ ପକାଇ ବାବୁ ଜାଣ୍ଡେଲ ତାଙ୍କ ବେକରେ ଏକ ଜୀବନ୍ତ ସାପକୁ ଗୁଡ଼ାଇଥିଲେ । ସେହି ସମୟର ଭିଡିଓ ଏବେ ସୋସିଆଲ ମିଡିଆରେ ଖୁବ୍? ଭାଇରାଲ ହେବାର ଲାଗିଛି । ଭିଡିଓରେ ଦେଖିବାକୁ ମିଳିଛି ଯେ, ବିଧାୟକ ବାବୁ ଜାଣ୍ଡେଲ ବେକରେ ସାପକୁ ଗୁଡ଼ାଇ ତାଙ୍କ ସମର୍ଥକଙ୍କ ନିକଟରେ ନିଜର ପ୍ରତିକ୍ରିୟା ରଖୁଛନ୍ତି ।
ବିଧାୟକ ବାବୁ ଜାଣ୍ଡେଲ କହିଛନ୍ତି ଯେ, ମୁଁ ମୋର ଜନ୍ମଦିନକୁ ନିରାଡମ୍ବର ଭାବେ ପାଳନ କରେ । ପଶୁମାନେ ମୋର ବନ୍ଧୁ ପରି । ମୋ ଘରର ପଛପଟ ବଗିଚାରେ ଏକ ଜସ୍ମିନ୍ ପ୍ଲାଣ୍ଟ ଅଛି । ସାପମାନେ ପ୍ରାୟତଃ ସେଠାକୁ ଆସନ୍ତି । ତେଣୁ ମୁଁ ଗୋଟିଏ ସାପକୁ ବେକରେ ସାପକୁ ଗୁଡ଼ାଇ ଦେଲି । କଂଗ୍ରେସ ବିଧାୟକଙ୍କ ଏପରିି ଅଜବ କଥା ଶୁଣିବା ପରେ ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି ।
Comments are closed.