ଗୁଜରାଟ: ୩୦ ହଜାର କୋଟି ଟଙ୍କାରେ ବିକ୍ରି ହେବ ଗୁଜରାଟର ଷ୍ଟାଚ୍ୟୁ ଅଫ୍ ୟୁନିଟି । ତେବେ ଏ କଥା ଆମେ କହୁନୁ ବରଂ ଗ୍ଲୋବାଲ୍ ଅନ୍ଲାଇନ୍ ମାର୍କଟ୍ OLX ରେ ଏ ନେଇ ବିଜ୍ଞପ୍ତି ପ୍ରକାଶ ପାଇଥିଲା ।
FIR lodged against unknown person in Gujarat for putting out online advertisement to “sell” Statue of Unity for Rs 30,000 crore to “meet” government’s “requirement for money” for hospitals and medical infrastructure to fight #COVID19: Police
— Press Trust of India (@PTI_News) April 5, 2020
ଆପାତକାଳୀନ ସ୍ଥିତି…ଲୌହ ମାନବ ସର୍ଦାର ବଲ୍ଲଭ ଭାଇ ପଟେଲଙ୍କ ବିରାଟ ସ୍ମାରକକୁ ବିକ୍ରି କରାଯାଇ ସେହି ଅର୍ଥକୁ କରୋନା ମୁକାବିଲାରେ ହସ୍ପିଟାଲ ଓ ଚିକିତ୍ସା ପାଇଁ ବିନିଯୋଗ କରାଯିବ । କିଛି ଏପରି କ୍ୟାପ୍ସନ ଦିଆଯାଇ ଷ୍ଟାଚ୍ୟୁ ଅଫ ୟୁନିଟିକୁ ବିକ୍ରି କରିବା ପାଇଁ OLX ରେ କେହି ଅଜଣା ବ୍ୟକ୍ତି ବିଜ୍ଞାପନ ଦେଇଥିଲେ ।
PTI ରିପୋର୍ଟ ଅନୁଯାୟୀ ଏହି ବିଜ୍ଞାପନ ସୋସିଆଲ ମିଡିଆରେ ଭାଇରାଲ୍ ହେବା ପରେ କମ୍ପାନୀ ପକ୍ଷରୁ ତୁରନ୍ତ ଏହାକୁ ହଟାଇ ଦିଆଯାଇଥିଲା । ପରେ ଷ୍ଟାଚ୍ୟୁ ଅଫ୍ ୟୁନିଟିର ଅଧିକାରୀ ମାନେ ଏ ନେଇ ପୋଲିସରେ ଏତଲା ଦେବା ପରେ ଅଭିଯୁକ୍ତକୁ ଧରିବା ଲାଗି ଧରପଗଡ ଆରମ୍ଭ କରିଛି ପୋଲିସ ।
ଅକ୍ଟୋବର ୩୧, ୨୦୧୮ରେ ଷ୍ଟାଚ୍ୟୁ ଅଫ୍ ୟୁନିଟି ଉଦଘାଟିତ ହୋଇଥିଲାବେଳେ କୋଭିଡ୍-୧୯ ମହାମାରୀ ପାଇଁ ମାର୍ଚ୍ଚ ୧୭ରୁ ଏହା ପର୍ଯ୍ୟଟକଙ୍କ ପାଇଁ ବନ୍ଦ ରହିଛି ।