ଲଣ୍ଡନ: ମରଣାନ୍ତକ କରୋନା ଭୂତାଣୁ ସାମ୍ନାରେ ନା ଧନୀ ନା ଗରିବ ନା ପ୍ରଜା ନା ରାଜା ସମସ୍ତେ ସମାନ । ଏହି କଥାଟି ସତ୍ୟ ସାବ୍ୟସ୍ତ ହୋଇଛି ଯେତେବେଳେ ବ୍ରିଟେନ ପ୍ରିନ୍ସ ଚାର୍ଲସଙ୍କୁ କରୋନା ଭୂତାଣୁ ସଂକ୍ରମଣ ହୋଇଥିବାର ଖବର ପ୍ରଚାରିତ ହେଲା । ଏହି ଖବର ଏବେ ସାରା ୟୁରୋପରେ ଚର୍ଚ୍ଚାର ବିଷୟ ପାଲଟିଥିବା ବେଳେ କରୋନା ସଂକ୍ରମଣକୁ ରୋକିବା ଲାଗି ଅଧିକ ସଚେତନ ହୋଇପଡ଼ିଛନ୍ତି ବିଶ୍ୱବାସୀ ।
Next in line to the throne, Prince Charles has tested positive for #COVID19: UK media (file pic) pic.twitter.com/QXlEcfNxpO
— ANI (@ANI) March 25, 2020
ବଙ୍କିମହାମ ପ୍ୟାଲେସ ସୂତ୍ରରୁ ଜଣାପଡ଼ିଛି ଯେ, ପ୍ରିନ୍ସ ଚାର୍ଲସଙ୍କ ନମୂନା ପରୀକ୍ଷା ପଜିଟିଭ୍ ଜଣାପଡ଼ିଛି । ସେ କରୋନା ଭୂତାଣୁ ଦ୍ୱାରା ସଂକ୍ରମଣ ହୋଇଥିବା ସ୍ପଷ୍ଟ ହୋଇଛି । ଗତ କିଛିଦିନ ଧରି ସେ ଘରେ ରହି କାର୍ଯ୍ୟ କରୁଥିବା ବେଳେ ସୁସ୍ଥ ରହିଛନ୍ତି ।
କରୋନା ଭୂତାଣୁର ସାମାନ୍ୟ ଲକ୍ଷଣ ମଧ୍ୟ ପ୍ରିନ୍ସ ଚାର୍ଲସଙ୍କ ଠାରେ ଦେଖିବାକୁ ମିଳିଛି ବୋଲି ଲଣ୍ଡନରେ ଥିବା ରାଜପ୍ରାସାଦ କର୍ତ୍ତୃପକ୍ଷଙ୍କ ସୂତ୍ରରୁ ଜଣାପଡିଛି ବୋଲି ଟାଇମ୍ସ ନାଓ ଗଣମାଧ୍ୟମରେ ଏକ ରିପୋର୍ଟ ପ୍ରକାଶିତ ହୋଇଛି ।