ରୋନାଲ୍ଡୋ ପୁନର୍ବାର କରୋନା ପଜିଟିଭ

ଲିସବନ: ପର୍ତୁଗାଲର ଷ୍ଟାର ଫୁଟବଲ ଖେଳାଳି କ୍ରିଷ୍ଟିଆନ ରୋନାଲ୍ଡୋ ପୁନର୍ବାର କରୋନା ପଜିଟିଭ ଥିବା ଜଣାପଡିଛି । ଇଟାଲୀର ଜୁଭେଟଂସ ପକ୍ଷରୁ ଖେଳଥିବା ଏହି ଖେଳାଳି ପୂର୍ବରୁ କରୋନା ସଂକ୍ରମିତ ହୋଇଥିଲେ । କିଛି ଦିନ ପରେ ସୁସ୍ଥ ଅନୁଭବ କରିବାରୁ ସେ ପୁନର୍ବାର ଟେଷ୍ଟ କରାଇଥିଲେ, ମାତ୍ର ଏହା ଏବେ ପଜିଟିଭ ଆସିଛି । ଯାହା କି ପ୍ରଶଂସକଙ୍କ ପାଇଁ ଚିନ୍ତାର କାରଣ ସାଜିଛି ।

ଆସନ୍ତା ସପ୍ତାହରେ ହେବାକୁ ଥିବା ବାର୍ସିଲୋନା ବିପକ୍ଷ ହାଇ ପ୍ରୋଫାଇଲ ମ୍ୟାଚରେ ତାଙ୍କ ଖେଳିବା ନେଇ ସନ୍ଦେହ ସୃଷ୍ଟି ହୋଇଛି । କରୋନା ପରେ ପଡିଆକୁ ଫେରିବା ପାଇଁ ବ୍ୟଗ୍ର ହେଉଥିବା ଏହି ସୁପରଷ୍ଟାରଙ୍କୁ ଆଉ କିଛି ଦିନ ଅପେକ୍ଷା କରିବାକୁ ପଡିବ ।