ଭୁବନେଶ୍ୱର: କଳିଙ୍ଗ ଷ୍ଟାଡିୟମରେ ଅନୁଷ୍ଠିତ ଏମ୨୫ ଭୁବନେଶ୍ୱର ଆଇଟିଏଫ ୱାର୍ଲ୍ଡ ଟେନିସ ଟୁରରେ ଚେକ ରିପବ୍ଲିକର ଡେଲିବୋର ଭର୍ସିନିଆ ପୁରୁଷ ସିଙ୍ଗଲ୍ସ ଟାଇଟଲ ହାସଲ କରିଛନ୍ତି । ରବିବାର ଅନୁଷ୍ଠିତ ଫାଇନାଲରେ ସେ ଆମେରିକାର ନିକ ଚ୍ୟାପେଲଙ୍କୁ ୬-୨, ୬-୦ ସିଧାସଳଖ ସେଟରେ ପରାସ୍ତ କରିଥିଲେ । ଡେଲିବୋର ଏହି ବିଜୟ ସହ ୩୬୦୦ ଡଲାର ପୁରସ୍କାର ରାଶି ଓ ୨୫ ଏଟିପି ରେଟିଂ ପଂଏଟ ହାସଲ କରିଛନ୍ତି । ରନର୍ସଅପ ଚ୍ୟାପେଲ ୨୧୨୦ ଡଲାର ପୁରସ୍କାର ରାଶି ଓ ୧୬ ଏଟିପି ପଂଏଟ ପାଇଛନ୍ତି ।
ପୁରସ୍କାର ବିତରଣ ଉତ୍ସବରେ ଓଟିଏ ସଭାପତି ଅସିତ ତ୍ରିପାଠୀ, ସେକ୍ରେଟାରୀ ସତ୍ୟଜିତ ମହାନ୍ତି, ଟୁଣ୍ଣାମେଂଟ ଡାଇରେକ୍ଟର ଓ ଜଂଏଟ ସେକ୍ରେଟାରୀ ସଞ୍ଜୀବ ପଣ୍ଡା, ଓଟିଏର ଉପ ସଭାପତି ବ୍ରହ୍ମାନନ୍ଦ ମିଶ୍ର, ଆଇଟିଏଫ ସୁପରଭାଇଜର ଅଭିଷେକ ମୂର୍ଖାଜୀ ପ୍ରମୂଖ ଉପସ୍ଥିତ ଥିଲେ । ଏମ୧୫ ଭୁବନେଶ୍ୱର ଇଭେଂଟ ଆଇଟିଏଫ ୱାର୍ଲ୍ଡ ଟେନିସ ଟୁର ଅଫ ଇଣ୍ଡିଆର ପ୍ରଥମ ପର୍ଯ୍ୟାୟ । ଏବେ ମୁମ୍ବାଇରେ ଏହାର ପରବର୍ତୀ ପର୍ଯାୟ ମୁକାବିଲା ଆୟୋଜିତ ହେବ । କଳିଙ୍ଗଷ୍ଟାଡିୟମର ଟେନିସ ସେଂଟରରେ ଉପରୋକ୍ତ ପ୍ରତିଯୋଗିତା ସଫଳତାର ସହ ଆୟୋଜନ ହୋଇଥିଲା ।
Comments are closed.