ଢ଼େଙ୍କାନାଳ: ଜଙ୍ଗଲରୁ ଏକ ଗଳିତ ମୃତଦେହ ଉଦ୍ଧାର। ଢ଼େଙ୍କାନାଳ ଜିଲ୍ଲା ଗୋଳାଗାଡ଼ିଆ ଗାଁ ଜଙ୍ଗଲରୁ ଏହି ମୃତଦେହ ଉଦ୍ଧାର କରାଯାଇଛି। ମୃତକ ଜଣକ ଗୋଳାଗାଡ଼ିଆ ଗାଁର କୈଳାଶ ଧଳ ବୋଲି ଜଣାପଡ଼ିଛି।
ସୂଚନା ଅନୁସାରେ, ଗୋଳାଗାଡ଼ିଆ ଗାଁର ଜଙ୍ଗଲରେ ଏକ ଗଳିତ ମୃତଦେହ ପଡ଼ିଥିବା ଦେଖିବାକୁ ମିଳିଥିଲା। ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରିଛି। କେହି ଦୁବୃର୍ତ୍ତ ତାଙ୍କୁ ହତ୍ୟା କରି ଜଙ୍ଗଲରେ ଫୋପାଡ଼ି ଦେଇଥିବା ପରିବାର ଲୋକ ଅଭିଯୋଗ କରିଛନ୍ତି। ଜମିଜମା ବିବାଦ ନେଇ ଏହି ହତ୍ୟା କରାଯାଇଥିବା ପରିବାର ଲୋକ କହିଛନ୍ତି। ପୋଲିସ ଘଟଣାର ତଦନ୍ତ ଆରମ୍ଭ କରିଛି।
ତେବେ ପରିବାର ଲୋକେ ଓ ଗ୍ରାମବାସୀ ଗୁଳାଗାଡ଼ିଆ ଛକରେ ଟାୟାର ଜାଳି ରାସ୍ତା ଅବରୋଧ କରିଛନ୍ତି। ଅଭିଯୁକ୍ତକୁ ତୁରନ୍ତ ଗିରଫ କରିବା ସହ କ୍ଷତିପୂରଣ ଦାବି କରିଛନ୍ତି।
Comments are closed.