ସାନଖେମୁଣ୍ଡି: ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ ଖଲିଙ୍ଗି ଗାଁ ଘୋଡ଼ାହାଡ଼ ନଦୀସ୍ରୋତରୁ ଉଦ୍ଧାର ହୋଇଛି ଜଣେ ନିଖୋଜ ଯୁବକଙ୍କ ମୃତଦେହ । ମୃତକ ଜଣଙ୍କ ହେଉଛନ୍ତି ଖଲିଙ୍ଗି ଗାଁର ୩୫ ବାର୍ଷିୟ ଶଙ୍କର ଲେଙ୍କା ।
ପ୍ରାପ୍ତ ସୂଚନାନୁସାରେ, ମୃତ ଶଙ୍କର ବୁଧବାର ସଂଧ୍ୟା ସମୟରୁ ଘରୁ ବାହାରି ଯାଇଥିବା ବେଳେ ଆଉ ଘରକୁ ଫେରି ନଥିଲେ। ତେବେ ପୁଅ ଘରକୁ ନଆସିବାରୁ ପରିବାର ଲୋକେ ବହୁ ଖୋଜାଖୋଜି କରିଥିଲେ । କିନ୍ତୁ ତାଙ୍କର କୌଣସି ପତ୍ତା ମିଳିନଥିଲା।
ଆଜି ସକାଳ ସମୟରେ ଗାଁର କିଛି ଲୋକ ଶୌଚ ହେବା ପାଇଁ ନଦୀକୁ ଯାଇଥିବା ବେଳେ ସେଠାରେ ଏହା ମୃତଦେହ ଭାସୁଥିବାର ଦେଖିବାକୁ ପାଇଥିଲେ । ତୁରନ୍ତ ଏନେଇ ଗାଁଲୋକେ ପୋଲିସକୁ ଜଣାଇଥିଲେ । ପରେ ମୃତଦେହଟି ନିଖୋଜ ଶଙ୍କରଙ୍କର ବୋଲି ଜଣାପଡିଥିଲା ।
ତେବେ ଶଙ୍କର ମୃତ୍ୟୁର କାରଣ ଏପର୍ଯ୍ୟନ୍ତ ଅସ୍ପଷ୍ଟ ରହିଥିବା ବେଳେ ଏହା ହତ୍ୟା ନା ଆତ୍ମହତ୍ୟା ସେନେଇ ପୋଲିସ ତଦନ୍ତ ଆରମ୍ଭ କରିଛି।
Comments are closed.