ପ୍ୟାରିସ: ଚଳିତ ପ୍ୟାରିସ ଅଲିମ୍ପିକ୍ସରେ ଭାରତର ଅଭିଜ୍ଞ ତୀରନ୍ଦାଜ ଦୀପିକା କୁମାରୀ କ୍ୱାର୍ଟର ଫାଇନାଲ ହାରି ପଦକ ଦୌଡରୁ ବାଦ ପଡିଛନ୍ତି । ମହିଳା ବ୍ୟକ୍ତିଗତ ଇଭେଂଟରେ ଦୀପିକା କୋରିଆର ନ୍ୟାମ ସୁ ୟୋନଙ୍କ ନିକଟରୁ ୬-୪ରେ ହାରିଥିଲେ । ଏଥିସହ ଦୀପିକାଙ୍କ ଅଭିଯାନ ଶେଷ ହୋଇଛି । ଭାରତ ପାଇଁ ୨ଟି ପଦକ ଜିତି ସାରିଥିବା ମନୁ ଭାକର ମଧ୍ୟ ୨୫ ମିଟର ମହିଳା ପିସ୍ତଲ ଇଭେଂଟରେ ୪ର୍ଥ ସ୍ଥାନରେ ରହି ଅଭିଯାନ ଶେଷ କରିଛନ୍ତି । ସେଲିଂରେ ନେତ୍ରା କୁମାରନ ନୈରାଶ୍ୟଜନକ ପ୍ରଦର୍ଶନ କରିଛନ୍ତି ।
ସେ ମହିଳା ଦିଙ୍ଘେ ରେସ ୪ରେ ୨୮ତମ ସ୍ଥାନରେ ରହିଥିଲେ । ସ୍କିଟ ମହିଳା କ୍ୱାଲିଫିକେଶନ ଇଭେଂଟରେ ରାଇଜା ଧୀଲନ ୨୯ ପ୍ରତିଯୋଗୀଙ୍କ ମଧ୍ୟରେ ୨୬ତମ ସ୍ଥାନରେ ରହିଥିଲେ । ପ୍ରଭାବୀ ପ୍ରଦର୍ଶନ ସତ୍ୱେ ମନୁ, ଦୀପିକା, ଅର୍ଜୁନ ବବୁତା ଏବଂ ଧୀରଜ-ଅଙ୍କିତା ଅଳ୍ପକେ ପଦକ ହାସଲରୁ ରହି ଯାଇଛନ୍ତି ।
Comments are closed.