ନୂଆଦିଲ୍ଲୀ: ଦିଲ୍ଲୀ ହିଂସା ମାମଲାର ଶୁଣାଣି କରୁଥିବା ବିଚାରପତି ଏସ ମୁରଲିଧରଙ୍କ ବଦଳି ହୋଇଛି । ରାତାରାତି ତାଙ୍କୁ ବଦଳି କରାଯାଇଛି । ସିଏଏକୁ ନେଇ ଦିଲ୍ଲୀରେ ହିଂସା ଉଗ୍ର ରୂପ ନେଇଥିବା ବେଳେ ଏହାର ଶୁଣାଣି ସମୟରେ ଦିଲ୍ଲୀ ପୋଲିସକୁ ଭର୍ତ୍ସନା କରିଥିଲେ ଏସ ମୁରଲିଧର । ତାଙ୍କୁ ଦିଲ୍ଲୀ ହାଇକୋର୍ଟରୁ ବଦଳି କରାଯାଇ ପଂଜାବ-ହରିୟାଣା ହାଇକୋର୍ଟରେ ଅବସ୍ଥାପିତ କରାଯାଇଛି ।
ରାଷ୍ଟ୍ରପତି ଭବନରୁ ଜଷ୍ଟିସ ମୁରଲିଧରଙ୍କ ବଦଳି ନେଇ ଅଧିସୁଚନା ଜାରି ହୋଇଛି । ରାଷ୍ଟ୍ରପତି ରାମନାଥ କୋବିନ୍ଦ ମୁଖ୍ୟ ବିଚାରପତି ଜଷ୍ଟିସ ଶରଦ ଅରବିନ୍ଦ ବୋବଡ଼େଙ୍କ ସହ ପରାମର୍ଶ କରିବା ପରେ ଏସ ମୁରଲିଧରଙ୍କୁ ଦିଲ୍ଲୀ ଉଚ୍ଚ ନ୍ୟାୟଳୟରୁ ପଂଜାବ-ହରିୟାଣା ହାଇକୋର୍ଟକୁ ବଦଳି କରାଯାଇଥିବା ନେଇ ସୂଚନା ଜାରି କରିଛନ୍ତି । ସୁଚନା ଅନୁସାରେ, ଗତକାଲି ଏହି ମାମଲାର ଶୁଣାଣି କରାଯାଇ ଥିଲା । ତେବେ ନିଷ୍ପତିକୁ ଗୁରୁବାର ଯାଏଁ ସ୍ଥିଗିତ ରଖାଯାଇଛି ।
Comments are closed.