ମୋବାଇଲ୍ ଫୋନ୍ର ଚାର୍ଜିଂ ପୋର୍ଟ୍ ପାଖେ କାହିଁକି ଥାଏ କଣା, ଏଥିଲେ ଲୁଚି ରହିଛି ହିଡେନ୍ ଫିଚର୍ସ
ନୂଆଦିଲ୍ଲୀ: ଆପଣ ଜାଣିଛନ୍ତି କି, ଆପଣଙ୍କ ମୋବାଇଲ୍ ଫୋନ୍ର ଚାର୍ଜିଂ ପୋର୍ଟ୍ ପାଖରେ ଥିବା ସେହି ଛୋଟ ଛିଦ୍ରଟି କାହିଁପାଇଁ ଦିଆଯାଇଛି? ଅଧିକାଂଶ ଲୋକ ଏହାକୁ ଭୁଲବଶତଃ ରିସେଟ୍ ବଟନ୍ କିମ୍ବା ସିମ୍ ଟ୍ରେ ଭାବେ ବୁଝିନେଉଛନ୍ତି। କିନ୍ତୁ ପ୍ରକୃତରେ, ଏହି ଛୋଟ ଛିଦ୍ରଟି ଆପଣଙ୍କ କଲ୍ ଓ ଅଡିଓ କ୍ୱାଲିଟି ନିର୍ଣ୍ଣୟ କରିବାରେ ଏକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଫିଚର୍କୁ ଲୁଚାଇ ରଖିଛି।
ଅଧିକାଂଶ ସ୍ମାର୍ଟଫୋନ୍ରେ ଏହି ଛୋଟ ଛିଦ୍ରଟି ପ୍ରାଇମେରି ମାଇକ୍ରୋଫୋନ୍ର ମୁଖ୍ୟ ସ୍ଥାନ ହୋଇଥାଏ। କଲ୍ କରିବା ସମୟରେ, ଭିଡିଓ ଓ ଭଏସ୍ ରେକର୍ଡିଂ ସମୟରେ ଆପଣଙ୍କ ସ୍ୱରକୁ ସ୍ପଷ୍ଟ ଓ ସଫା ଭାବରେ ଧରିବା ପାଇଁ ଏହି ମାଇକ୍ରୋଫୋନ୍ର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।
କିଛି ଆଧୁନିକ ସ୍ମାର୍ଟଫୋନ୍ରେ ଏହି ଛିଦ୍ରଟି ସେକେଣ୍ଡାରି ମାଇକ୍ରୋଫୋନ୍ର ଅଂଶ ମଧ୍ୟ ହୋଇଥାଏ। ଏହା ଅନାବଶ୍ୟକ ଶବ୍ଦ କମେଇବାରେ ସାହାଯ୍ୟ କରେ। ବତାସ, ଟ୍ରାଫିକ୍ ଓ ପାଖପାଖିର ଶବ୍ଦକୁ ଆପେଆପେ ଫିଲ୍ଟର୍ କରି, ଆପଣଙ୍କ ସ୍ୱରକୁ ସାମ୍ନା ପକ୍ଷକୁ ସ୍ପଷ୍ଟ ଭାବରେ ପହଞ୍ଚାଏ।
ପ୍ରାଇମେରି ମାଇକ୍ରୋଫୋନ୍ ଆପଣଙ୍କ ସ୍ୱରକୁ ରେକର୍ଡ କରେ, ଯେତେବେଳେ କି ଦ୍ୱିତୀୟ ମାଇକ୍ରୋଫୋନ୍ ପାଖପାଖିର ଶବ୍ଦକୁ ଧରିଥାଏ। ସଫ୍ଟୱେୟାର୍ ଅନାବଶ୍ୟକ ଶବ୍ଦକୁ କାଟି ଦେଇ, କେବଳ ଆପଣଙ୍କ ସ୍ୱରକୁ ସଫା ଓ ସ୍ପଷ୍ଟ ଭାବରେ ପଠାଏ। ଏହି କାରଣରୁ ହିଁ ବଜେଟ୍ ଫୋନ୍ରେ ମଧ୍ୟ ଭଲ କଲ୍ କ୍ୱାଲିଟି ଓ ରେକର୍ଡିଂ ସମ୍ଭବ ହୋଇପାରୁଛି।
ମାଇକ୍ରୋଫୋନ୍କୁ ଫୋନ୍ର ତଳ ଅଂଶରେ ରଖିବାର ପ୍ରମୁଖ କାରଣ ହେଉଛି ଏର୍ଗୋନୋମିକ୍ ଡିଜାଇନ୍। ଆମେ ଫୋନ୍କୁ କାନ୍ ପାଖରେ ଧରି କଥା ହେବାବେଳେ, ଫୋନ୍ର ତଳ ଭାଗ ସ୍ୱାଭାବିକ ଭାବେ ଆମ ମୁହଁ ସହ ସବୁଠାରୁ ନିକଟ ରହେ। ଏହିକାରଣରୁ ଏହି ସ୍ଥାନଟି ସ୍ୱରକୁ ସଠିକ୍ ଓ ସ୍ପଷ୍ଟ ଭାବେ ଧରିବା ପାଇଁ ସର୍ବୋତ୍ତମ ମନାଯାଏ।
Comments are closed.