ମଧ୍ୟପ୍ରଦେଶ: ବିଭିନ୍ନ ସ୍ଥାନରେ ଭିନ୍ନ ଭିନ୍ନ ମନ୍ଦିର ରହିଛି । ହେଲେ ମଧ୍ୟପ୍ରଦେଶରେ ଏକ ଅନନ୍ୟ ମନ୍ଦିର ରହିଛି, ଯେଉଁଠି ପ୍ରଭୁ ହନୁମାନ ଡ଼ାକ୍ତରଙ୍କ ରୂପରେ ପୂଜା ପାଉଛନ୍ତି । ହନୁମାନ ଜୀ ନିଜେ ଡାକ୍ତର ହୋଇ ରୋଗୀମାନଙ୍କୁ ଚିକିତ୍ସା କରନ୍ତି ବୋଲି ଲୋକଙ୍କ ବିଶ୍ୱାସ । ପ୍ରତ୍ୟେକ ଦିନ ପୂଜା କରିବା ଓ ଦର୍ଶନ ନିମନ୍ତେ ଏହି ମନ୍ଦିରରେ ଶ୍ରଦ୍ଧାଳୁଙ୍କ ଭିଡ଼ ଜମେ ।
ମଧ୍ୟପ୍ରଦେଶର ଭଣ୍ଡାର ଜିଲାରେ ରହିଛି ଏହି ଡ଼ାକ୍ତର ହନୁମାନ ଜୀଙ୍କ ମନ୍ଦିର । ଏହି ହନୁମାନ ମନ୍ଦିର ହେଉଛି ସହରବାସୀଙ୍କ ବିଶ୍ୱାସ ଏବଂ ସମ୍ମାନର କେନ୍ଦ୍ର । ପ୍ରତ୍ୟେକ ଶନିବାର ଏବଂ ମଙ୍ଗଳବାର ଦିନ ବହୁ ସଂଖ୍ୟାରେ ଭକ୍ତ ପ୍ରଭୁ ହନୁମାନଙ୍କ ଦର୍ଶନ ପାଇଁ ଏଠାକୁ ଆସନ୍ତି । ମନ୍ଦିରରେ ହନୁମାନଜୀଙ୍କ ବଡ଼ ପ୍ରତିମୂର୍ତ୍ତି ହେତୁ ଏହି ମନ୍ଦିରକୁ ବଡ ହନୁମାନଜୀ ମନ୍ଦିର ମଧ୍ୟ କୁହାଯାଏ । ଡାକ୍ତରଖାନା ପରି ଏହି ମନ୍ଦିରରେ ସମସ୍ତ ରୋଗ ଡାକ୍ତର ହନୁମାନ ଜୀଙ୍କ ଦ୍ୱାରା ଚିକିତ୍ସା କରାଯାଏ । ଅନେକ ରାଜ୍ୟରୁ ଭକ୍ତମାନେ ସେମାନଙ୍କ ମାନସିକ ନେଇ ଏଠାକୁ ଆସନ୍ତି ।
ମନ୍ଦିରର ପୂଜକ ରାମଦାସ କହିଛନ୍ତି ଯେ, ହନୁମାନଙ୍କୁ ଏଠାରେ ଡାକ୍ତର ଭାବରେ ପୂଜା କରାଯାଏ । ହନୁମାନ ନିଜେ ଡାକ୍ତର ଭାବରେ ଯନ୍ତ୍ରଣା ଭୋଗୁଥିବା ରୋଗୀକୁ ଆରୋଗ୍ୟ କରନ୍ତି । ସେଥିପାଇଁ ସେ ଡାକ୍ତର ହନୁମାନ ଭାବରେ ଜଣାଶୁଣା । ଏହି ମନ୍ଦିର ପ୍ରତି ଲକ୍ଷ ଲକ୍ଷ ଲୋକଙ୍କର ବିଶ୍ୱାସ ଅଛି । ଏଭଳି ପରିସ୍ଥିତିରେ ବିଶ୍ୱାସ କରାଯାଏ ଯେ କ୍ରମାଗତ ପାଞ୍ଚ ମଙ୍ଗଳବାର ଦିନ ଡାକ୍ତର ହନୁମାନଙ୍କୁ ପୂଜା କରିବା ଦ୍ୱାରା କର୍କଟ , ଟିଭି ଭଳି ଅନେକ ରୋଗ ମଧ୍ୟ ଭଲ ହୋଇଥାଏ ।
Comments are closed.