ନୂଆଦିଲ୍ଲୀ: ଡକ୍ଚର ସି.ଭି ଆନନ୍ଦ ବୋଷ ପଶ୍ଚିମବଙ୍ଗର ନୂଆ ରାଜ୍ୟପାଳ ହେବେ। ସିଭି ଆନନ୍ଦ ବୋଷଙ୍କୁ ଗୁରୁବାର ପଶ୍ଚିମବଙ୍ଗର ରାଜ୍ୟପାଳ ଭାବେ ନିଯୁକ୍ତି ଦିଆଯାଇଛି। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏହି ନିଯୁକ୍ତି ଦେବା ପରେ କେନ୍ଦ୍ର ସରକାର ଏକ ବିଜ୍ଞପ୍ତି ପ୍ରକାଶ କରିଛନ୍ତି। ମଣିପୁର ରାଜ୍ୟପାଳ ଏଲ. ଗଣେଶନ୍ ଜୁଲାଇରୁ ପଶ୍ଚିମବଙ୍ଗର ଅତିରିକ୍ତ ଦାୟିତ୍ୱରେ ରହିଛନ୍ତି। ଏହାପୂର୍ବରୁ ଜଗଦୀପ ଧନଖଡ ପଶ୍ଚିମବଙ୍ଗର ରାଜ୍ୟପାଳ ଥିଲେ। କିନ୍ତୁ ଉପରାଷ୍ଟ୍ରପତି ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାରୁ ସେ ରାଜ୍ୟପାଳ ପଦ ଛାଡିଥିଲେ।
ବର୍ତ୍ତମାନ ସି.ଭି ଆନନ୍ଦ ନୂଆ ରାଜ୍ୟପାଳ ହେବେ। ତାଙ୍କ ନାମ ଘୋଷଣା କରାଯାଇଛି। ଡକ୍ଟର ସିଭି ଆନନ୍ଦ ବୋଷ ଜଣେ ପୂର୍ବତନ ଆଇଏଏସ୍ ଅଧିକାରୀ ଥିଲେ। ବର୍ତ୍ତମାନ ସେ ମେଘାଳୟ ସରକାରଙ୍କ ଜଣେ ପରାମର୍ଶଦାତା। ସେ 2 ଜାନୁଆରୀ 1951ରେ କେରଳର କୋଟାୟାମରେ ଜନ୍ମଗ୍ରହଣ କରିଥିଲେ। ସେ ବିଟିଏସ୍ ପିଲାନିରୁ ପିଏଚଡି କରିଥିବା ବେଳେ କେରଳ ବିଶ୍ୱବିଦ୍ୟାଳୟର ଇଂରାଜୀ ଭାଷା ଏବଂ ସାହିତ୍ୟରେ ଏମ. ଏ କରିଛନ୍ତି।
Dr CV Ananda Bose appointed as the Governor of West Bengal. pic.twitter.com/PsGKySLgGO
— ANI (@ANI) November 17, 2022
ଉଲ୍ଲେଖଯୋଗ୍ୟ, ଧନଖଡ ପ୍ରାୟ 3 ବର୍ଷ ଧରି ବେଙ୍ଗଲର ରାଜ୍ୟପାଳ ଥିଲେ। ଅନେକ ସମୟରେ ସେ ରାଜ୍ୟରେ ଆଇନ ଶୃଙ୍ଖଳା ପରିସ୍ଥିତିକୁ ନେଇ ପ୍ରଶ୍ନ ଉଠାଇଥିଲେ। ଏହି ସମୟରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ତାଙ୍କ ସହ ବିବାଦ ଗଣମାଧ୍ୟମର ଶିରୋନାମା ପାଲଟିଥିଲା। ଏହାପରେ ରାଜ୍ୟପାଳ ଦାୟିତ୍ୱରେ ଥିବା ଏଲ. ଗଣେଳନଙ୍କର ମମତା ସରକାରଙ୍କ ସହ ଭଲ ସମ୍ପର୍କ ରହିଛି।
ପଶ୍ଚିମବଙ୍ଗରେ ବିଜେପି ମଜବୁତ ହେବାକୁ ପ୍ରୟାସ କରୁଛି। ଆଉ ମୁସଲମାନ ଭୋଟ୍ ବ୍ୟାଙ୍କକୁ ନିଜ ପକେଟକୁ ନେବାକୁ ପ୍ରୟାସ କରୁଛି। ଏପରି ସ୍ଥିତିରେ କେନ୍ଦ୍ର ସରକାରରେ ପୂର୍ବତନ ମନ୍ତ୍ରୀ ଥିବା ମୁଖତାର ଆବାସ ନକଭୀଙ୍କୁ ପଶ୍ଚିମବଙ୍ଗର ରାଜ୍ୟପାଳ ଦାୟିତ୍ବ ମିଳିବା ନେଇ ଚର୍ଚ୍ଚା ହେଉଥିଲା। କାରଣ ସେ ନିକଟରେ ଅଳ୍ପ ସଂଖ୍ୟକ ମନ୍ତ୍ରୀ ପଦରୁ ଇସ୍ତଫା ଦେଇଥିଲେ।
Comments are closed.