ୱାୟନାଡ୍: ୱାୟନାଡ୍ ଭୂସ୍ଖଳନରେ ଡାକ୍ତର ସ୍ୱାଧୀନ ପଣ୍ଡାଙ୍କ ନିଖୋଜ ଘଟଣା l ଡିଏନ୍ଏ ଟେଷ୍ଟ ପାଇଁ ନମୁନା ଦେଲେ ସ୍ୱାଧୀନଙ୍କ ଭଉଣୀ ସୋମାଲି l ୪୮ ଘଣ୍ଟା ମଧ୍ୟରେ ଆସିବ ଡିଏନ୍ଏ ଟେଷ୍ଟ ରିପୋର୍ଟ l ଅନ୍ୟପଟେ ଆହତ ଡାକ୍ତର ସ୍ୱୀକୃତି ମହାପାତ୍ରଙ୍କ ସ୍ୱାସ୍ଥ୍ୟାବସ୍ଥାରେ ଏବେ ସୁଧାର ଆସିଛି l ଏନେଇ ସୂଚନା ଦେଇଛନ୍ତି ଓଡ଼ିଶା ପରିବାର ନିର୍ଦ୍ଦେଶାଳୟର ଓଏସ୍ଡି ପ୍ରୀତିଶ ପଣ୍ଡା l
ସୂଚନା ଅନୁସାରେ, କେରଳ ୱାୟନାଡ ବିଭୀଷିକାକୁ ସପ୍ତାହେ ବିତି ଗଲାଣି l କିନ୍ତୁ ବୁଲିବାକୁ ଯାଇଥିବା ବ୍ୟାସନଗରର ଡାକ୍ତର ସ୍ୱାଧୀନ ପଣ୍ଡାଙ୍କ ପତ୍ତା ଏବେବି ମିଳୁନାହିଁ l ସେପ’ଏ ତାଙ୍କ ଅନୁସନ୍ଧାନ ପାଇଁ ୱାୟନାଡ ଯାଇଛନ୍ତି ତାଙ୍କ ଭଉଣୀ ଓ ଭାଇ । ଏ ଯାଏଁ ସ୍ୱାଧୀନଙ୍କର କୌଣସି ପତ୍ତା ନମିଳିବାରୁ ପରିବାର ଲୋକଙ୍କ ଚିନ୍ତା ବଢିଯାଇଛି ।
କହିରଖୁଛୁ ଯେ, ଗତ ୨୬ ତାରିଖରେ ସ୍ୱାଧୀନ ସାଙ୍ଗଙ୍କ ସହ ବେଙ୍ଗାଲୁରୁ ଯାଇଥିଲେ । ବେଙ୍ଗାଲୁରରୁ ୱାୟନାଡ ଯାଇ ଏକ ହୋଟେଲରେ ରହିଥିଲେ ସ୍ୱାଧୀନ। କିନ୍ତୁ ସେଠାରେ ହୋଇଥିବା ଭୂସ୍ଖଳନ ପରଠାରୁ ସେ ନିଖୋଜ ଅଛନ୍ତି । ସ୍ୱାଧୀନଙ୍କ ସହିତ ଯାଇଥିବା ତାଙ୍କ ବନ୍ଧୁ ସ୍ଵୀକୃତି ମହାପାତ୍ର, ଡାକ୍ତର ଵିଷ୍ଣୁ ପ୍ରସାଦ ଚିନ୍ନାରା ଏବଂ ତାଙ୍କ ସ୍ତ୍ରୀ ପ୍ରିୟଦର୍ଶିନୀ ପାଲ ମଧ୍ୟ ଭାସି ଯାଇଥିଲେ । ତେବେ ସ୍ଵୀକୃତି ଓ ଡାକ୍ତର ଚିନାରା ଙ୍କ ପତ୍ନୀ ପ୍ରିୟଦର୍ଶିନୀ ପାଲଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଥିଲା l କିନ୍ତୁ ଡାକ୍ତର ଚିନ୍ନାରାଙ୍କ ମୃତ୍ୟୁ ହୋଇଥିଲା l
Comments are closed.