ଭୁବନେଶ୍ୱର: ନିରାଶ କଲେ ଭାରତର ଦୌଡ ରାଣୀ ତଥା ଓଡିଶା ଷ୍ଟାର ମହିଳା ଆଥଲେଟ ଦୂତୀ ଚାନ୍ଦ । ଚଳିତ ରାଜ୍ୟଗୋଷ୍ଠୀ କ୍ରୀଡାରେ ଦୂତି ମହିଳା ୧୦୦ ମିଟର ଦୌଡର ସେମି ଫାଇନାଲକୁ ଉନ୍ନୀତ ହେବାରେ ବିଫଳ ହୋଇଛନ୍ତି । ଓଡିଶାର ଏହି ଆଥଲେଟ ହିଟ ୫ରେ ୧୧.୫୫ ସେକେଣ୍ଡ ସମୟ ନେଇ ୪ର୍ଥ ସ୍ଥାନରେ ରହିଥିଲେ । ପ୍ରତ୍ୟେକ ହିଟର ପ୍ରଥମ ୩ଟି ସ୍ଥାନରେ ଥିବା ଆଥଲେଟ ଏବଂ ଶେଷ ୩ଟି ହିଟର ଦ୍ରୁତତମ ଦୌଡାଳୀ ସେମିଫାଇନାଲରେ ଯୋଗ୍ୟତା ହାସଲ କରିବେ । ଦୂତୀ ଏଥିରେ ଫେଲ ମାରିଥିଲେ । ସେ ୧୧.୫୫ ସେକେଣ୍ଡରେ ରେସ ସମ୍ପୂର୍ଣ୍ଣ କରିଥିଲେ ଯାହାକି ତାଙ୍କର ବ୍ୟକ୍ତିଗତ ଶ୍ରେଷ୍ଠ ପ୍ରଦର୍ଶନ ୧୧.୧୭ରୁ ବହୁତ କମ ଥିଲା । ୨୦୧୮ ଜାକର୍ତା ଏସିଆନ ଗେମ୍ସରେ ରୌପ୍ୟ ପଦକ ହାସଲ କରିଥିଲେ । ଏବେ ସେ ୪ ଗୁଣନ ୧୦୦ ରିଲେରେ ନିଜ ରାଜ୍ୟର ଶ୍ରାବଣୀ ନନ୍ଦଙ୍କ ସମେତ ହିମା ଦାସ ଓ ଏନଏସ ସିମିଙ୍କ ସହ ପ୍ରତିଯୋଗିତାରେ ଭାଗ ନେବେ ।
Comments are closed.