ନୂଆଦିଲ୍ଲୀ: ମନି ଲଣ୍ଡରିଂ ଅଧୀନରେ ପଞ୍ଜାବର ବେଆଇନ ବାଲି ଖନନକାରୀ କମ୍ପାନୀ ବିରୋଧରେ ଏନଫୋର୍ସମେଣ୍ଟ ନିର୍ଦ୍ଦେଶାଳୟ ଚଢଉ କରିଛି। ଏଜେନ୍ସି ଦ୍ୱାରା ଚଢଉ କରାଯାଇଥିବା ଲୋକମାନଙ୍କ ମଧ୍ୟରୁ ଜଣେ ହେଉଛନ୍ତି ପଞ୍ଜାବ ସିଏମ୍ ଚରଣଜିତ୍ ସିଂ ଚନ୍ନିଙ୍କ ଭଣଜା ଭୁପିନ୍ଦର ସିଂ ହନି।
ମଙ୍ଗଳବାର ସକାଳେ ଭୁପିନ୍ଦର ସିଂ ହନି ଏବଂ ତାଙ୍କର ଅନ୍ୟ ୧୦ ଟି ସ୍ଥାନ ଉପରେ ଇଡି ଚଢଉ କରିଛି। ପଞ୍ଜାବରେ ମତଦାନର କିଛି ସପ୍ତାହ ପୂର୍ବରୁ ଏଭଳି ଘଟଣା ରାଜନୀତି ମାହୋଲକୁ ସରଗରମ କରିପାରେ। ବର୍ତ୍ତମାନ ସିଏମ୍ ଚନ୍ନି କିମ୍ବା ଅନ୍ୟ କୌଣସି କଂଗ୍ରେସ ନେତା ଏ ପ୍ରସଙ୍ଗରେ କୌଣସି ବୟାନ ଦେଇନାହାନ୍ତି।
ପଞ୍ଜାବରେ ଡ୍ରଗ୍ସ ମାଫିଆ ବ୍ୟତୀତ ବାଲି ମାଫିଆ ପ୍ରସଙ୍ଗ ସବୁବେଳେ ନିର୍ବାଚନ ପ୍ରସଙ୍ଗ ହୋଇଆସୁଛି। ଏଭଳି ପରିସ୍ଥିତିରେ କଂଗ୍ରେସକୁ ବିଜେପି ଘେରାଉ କରିପାରେ। ପଞ୍ଜାବରେ ୧୧୭ ଟି ସିଟ୍ ପାଇଁ ମତଦାନ ଫେବୃଆରୀ ୨୦ ରେ ଅନୁଷ୍ଠିତ ହେବ।
Comments are closed, but trackbacks and pingbacks are open.