ସୋନପୁର: ସୋନପୁର ଜିଲ୍ଲା ବୀରମହାରାଜପୁର ଅଞ୍ଚଳରେ ଶୁକ୍ରବାର ପୋଖରୀକୁ ଗାଧୋଇବାକୁ ଯାଇ ଜଣେ ବୃଦ୍ଧଙ୍କ ମୃତ୍ୟୁ ଘଟିଛି।ସେ ହେଲେ ସମ୍ବଲପୁର ଜିଲ୍ଲା ଭରତପୁରର ଉଦ୍ଧବ ପ୍ରଧାନ(୭୦)।
ସୂତ୍ରରୁ ପ୍ରକାଶ, ଉଦ୍ଧବ ତାଙ୍କ ପତ୍ନୀ ମାଳତୀ (୬୫)ଙ୍କ ସହ ଗୁରୁବାର ସୋନପୁରର ବୀରମହାରାଜପୁର ଥାନା ଅନ୍ତର୍ଗତ କରଡାପାଳ ଗାଁକୁ ଝିଅ ଓ ଜ୍ୱାଇଁଙ୍କୁ ଭେଟିବାକୁ ଯାଇଥିଲେ। ଦମ୍ପତି ପୋଖରୀକୁ ଗାଧୋଇବାକୁ ଯାଇଥିବା ବେଳେ ଗଭୀର ପାଣିରେ ବୁଡିଯିବାରୁ ତାଙ୍କର ମୃତ୍ୟୁ ହୋଇଛି। ତାଙ୍କୁ ବଞ୍ଚାଇବାକୁ ଯାଇ ତାଙ୍କ ପତ୍ନୀ ମଧ୍ୟ ଗୁରୁତର ହୋଇପଡ଼ିଛନ୍ତି।
ସୂଚନା ମିଳିବା ପରେ ଅଗ୍ନିଶମ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ଉଦ୍ଧାର କାମ କରିଥିଲେ। ଉଦ୍ଧବଙ୍କୁ ପାଣିରୁ ବାହାର କରି ଡାକ୍ତରଖାନା ନିଆଯାଇଥିଲା, ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି।
Comments are closed.